ताजा
लोकप्रिय
नेपाल टेलिकमले चालु आर्थिक वर्ष २०८०/०८१ को नाै महिनामा ३१ अर्ब रुपैयाँभन्दा बढी आम्दानी गरेको छ । टेलिकमले चैतमसान्तसम्म ३१ अर्ब २० करोड ४८ लाख ५८ हजा र रुपैयाँ आम्दानी गरेको हो ।
बिज्ञापन
टेलिकमको आम्दानी गत आर्थिक वर्षको यसै अवधिको तुलनामा ६.०३ प्रतिशत अर्थात् दुई अर्ब ३७ लाख सात हजार रुपैयाँले आम्दानी घटेको छ । टेलिकमले सोमबार सार्वजनिक गरेको तेस्रो त्रैमासिक विवरणअनुसार खुद नाफा भने गत वर्षको तुलनामा ३.३६ प्रतिशत बढी छ ।
बिज्ञापन
नौं महिनामा टेलिकमको खुदनाफा पाँच अर्ब ५९ करोड ३७ लाख ६८ हजार रहेको छ । टेलिकमको खुद नाफा गत आर्थिक वर्षको यसै अवधिमा पाँच अर्ब ४१ करोड १९ लाख ७४ हजार रुपैयाँ थियो । तेस्रो त्रैमासिकमा कम्पनीको प्रतिसेयर आम्दानी ४१ रुपैयाँ ४४ पैसा रहेको छ । ओटीटी प्लेटफर्मको बढ्दो प्रयोग कारण अन्तरआवद्धता आय ९४ करोड ४९ लाखले घट्दा आम्दानी घटेको टेलिकमले जनाएको छ।
कम प्रतिफल प्राप्त हुने विकट तथा दुर्गम स्थानमा सेवा विस्तार र गुणस्तर सुधार गरिरहँदा लागत बढिरहेको टेलिकमको भनाइ छ । सेवा दररेट परिवर्तन र बैंकको ब्याजदर परिवर्तनलगायतले पनि आम्दानी घटेको टेलिकमले जनाएको छ । यसअवधिमा टेलिकमको सञ्चालन आय गत आवको तुलनामा एक अर्ब ८६ करोड ५३ लाखले घटेर २५ अबै ४८ करोड १२ लाख रुपैयाँ रहेको छ ।
बिज्ञापन
