ताजा
लोकप्रिय
डेडिकेटेड तथा ट्रंक लाइनमार्फत विद्युत उपभोग गर्ने उद्योगहरूले बक्यौता रकम तिर्न थालेका छन्। बाराको सिमरामा रहेका हुलास स्टील इण्डस्ट्रीज र अशोक स्टीलले लामो समयदेखि बाँकी रहेको प्रिमियम महसुल रकम किस्तामा तिर्न सुरु गरेका हुन्। नेपाल विद्युत प्राधिकरणका कार्यकारी निर्देशक मनोज सिलवालका अनुसार, हुलास स्टीलले शुक्रबार पहिलो किस्ता बुझाएको हो।
बिज्ञापन
हुलास स्टील इण्डस्ट्रीज
उद्योगले २०७२ माघदेखि २०७५ वैशाखसम्मको अवधिमा डेडिकेटेड तथा ट्रंक लाइन प्रयोगबापतको १४ करोड १२ लाख रुपैयाँ बक्यौता रकमलाई प्रतिकिस्ता ५० लाख ४३ हजार रुपैयाँका दरले २८ किस्तामा बुझाउने स्वीकृति प्राधिकरणबाट प्राप्त गरेको छ। प्राधिकरणका अनुसार, हुलासले अहिले पहिलो किस्ता बुझाएर किस्ताबन्दी तिर्ने प्रक्रिया औपचारिक रूपमा सुरु गरेको हो।
बिज्ञापन
अशोक स्टील
सिमराकै अर्को प्रमुख उद्योग अशोक स्टीलले पनि आफ्नो १७ करोड ५८ लाख रुपैयाँ बक्यौता रकम किस्तामा तिर्न सुरु गरेको छ। उद्योगले प्राधिकरणबाट २८ किस्ताको सुविधा लिई ६३ लाख रुपैयाँ पहिलो किस्ता बुझाएको प्राधिकरणले जनाएको छ। यसअघि विहीबार सम्राट सिमेन्ट, रोल्पा सिमेन्ट र नव नेपाल प्लास्टिक इन्डिस्ट्रिजले पनि किस्ताबन्दी सुविधा मार्फत बक्यौता रकम तिर्न सुरु गरेका थिए। नेपाल विद्युत प्राधिकरणका अनुसार, बक्यौता तिर्ने उद्योगहरूको संख्या बढ्दै गइरहेको छ र प्राधिकरणले सवै बक्यौता उद्योगहरूलाई नियमित किस्तामा रकम तिर्न निरन्तर अनुगमन गरिरहेको छ।
बिज्ञापन
