ताजा
लोकप्रिय
बिज्ञापन
नेपाल राष्ट्र बैंकले उपदान तथा पेन्सन कोषमा रहेको तीन अर्ब ३० करोड रुपैयाँ बैंक तथा वित्तीय संस्थामा ३६६ दिनका लागि लगानी गर्ने भएको छ।
बिज्ञापन
केन्द्रीय बैंकले मंगलबार सार्वजनिक गरेको सूचनाअनुसार, उक्त रकम ‘क’, ‘ख’ र ‘ग’ वर्गका बैंक तथा वित्तीय संस्थाहरूमा लगानी गर्न लागिएको हो। सूचनामा उल्लेख भएअनुसार, लगानीका लागि योग्य हुन बैंक तथा वित्तीय संस्थाले केही मापदण्ड पूरा गर्नुपर्नेछ। तीमध्ये प्रमुख सर्तहरू – सम्बन्धित संस्था सञ्चालनमा आएको कम्तीमा दुई वर्ष पूरा भएको हुनुपर्ने, बैंकबाट तोकिएको न्यूनतम कूल पुँजीकोष कायम भएको हुनुपर्ने, निष्क्रिय कर्जा (NPL) कूल कर्जा सापटीको ८ प्रतिशत ननाघ्ने, र खुद निष्क्रिय कर्जा अनुपात ३ प्रतिशतभन्दा बढी नहुने हुन्।
राष्ट्र बैंकका अनुसार इच्छुक बैंक तथा वित्तीय संस्थाले असोज ३० गतेभित्र आफूले लिन चाहेको रकम र प्रस्तावित व्याजदर तोकेर आवेदन दिनुपर्नेछ।
बिज्ञापन
केन्द्रीय बैंकले यो लगानी प्रक्रिया उपदान तथा पेन्सन कोषको रकमलाई सुरक्षित र उत्पादनशील रूपमा परिचालन गर्ने उद्देश्यले अघि बढाएको बताएको छ।
