ताजा
लोकप्रिय
डिशहोमले आफ्नो भर्चुअल प्रिभिलेज कार्डमार्फत पर्यटन गन्तव्य चन्द्रागिरी हिल्ससँग साझेदारी गरेको घोषणा गरेको छ । यस साझेदारीमार्फत, सक्रिय डिशहोम ग्राहकहरूले अब चन्द्रागिरी केबलकार टिकटमा १० प्रतिशत छुट पाउनेछन् ।
बिज्ञापन
काठमाडौं उपत्यकाको सुन्दर दृश्य हेर्न सकिने, ऐतिहासिक महत्व र प्राकृतिक सौन्दर्यका कारण प्रसिद्ध चन्द्रागिरी हिल्स उपत्यकाभित्र छिटो पुग्न सकिने पर्यटन गन्तव्य हो । यस साझेदारीले डिशहोमका ग्राहकहरूले छुटसहित चन्द्रागिरी हिल्सको अनुभव लिनसक्ने अवसर प्रदान गर्दछ । यस अफरअन्तर्गत चन्द्रागिरी केबलकार टिकटमा १० प्रतिशत छुटका साथै माइ डिशहोम एपमार्फत सक्रिय ग्राहकहरूका लागि प्ले स्टोर वा एप स्टोरबाट यो डाउनलोड गर्नुपर्नेछ ।
बिज्ञापन
सो एपमा आफ्नो दर्ता भएको मोबाइल नम्बर वा ग्राहक आईडी प्रयोग गरी लग–इन गर्र्नुपर्नेछ । होम पेज वा प्रोफाइल सेक्सनबाट भर्चुअल प्रिभिलेज कार्ड खोल्ने र चन्द्रागिरी हिल्सको केबलकार टिकट किन्ने बेला कार्ड देखाएर छुट लिन सकिने छ । समझदारीपत्रमा चन्द्रागिरी हिल्सका सेल्स एण्ड मार्केटिङ प्रमुख प्रभाकर खड्का र डिशहोमका चिफ, न्यु प्रोडक्ट डेभलपमेन्ट एन्ड इन्टिग्रेसन अफिसर सबिन महर्जनले हस्ताक्षर गरेको डिशहोमले जनाएको छ ।
बिज्ञापन
