ताजा
लोकप्रिय
अछाममा सुख्खा पहिरो जादा सडक अवरुद्ध भएको छ। पहिरो अछामको रामारोशन गाउँपालिका–५ सैनि रसुबे स्थित शान्तडा–रामारोशन भित्री कच्ची सडक खण्डमा आज बिहान गएको हो ।
बिज्ञापन
स्थानीयवासीको अनुसार बिहान करिब ४ः१५ बजे सडक माथिबाट सुख्खा पहिरो खस्दा करिब २५ मिटर सडक खण्ड पूर्ण रूपमा अवरुद्ध भएको थियो। पहिरोका कारण सवारी आवागमनमा अवरोध उत्पन्न भएपछि स्थानीयले बिहान ८:०० बजे अस्थायी प्रहरी चौकी चौतारामा टेलिफोनमार्फत जानकारी गराएका थिए।
बिज्ञापन
सूचना प्राप्त हुनासाथ अस्थायी प्रहरी चौकी चौताराबाट प्रहरी सहायक निरीक्षक चन्द्र सिंह पालीको कमान्डमा तीन जना प्रहरीको टोली घटनास्थलतर्फ खटिएको जिल्ला प्रहरी कार्यालय अछामले जनाएको छ। हाल अवरोध हटाउने कार्य स्थानीय तहसँग समन्वय गर्दै अघि बढाइएको र सडक यथाशक्य चाँडो सुचारु गरिने प्रयास भइरहेको प्रहरीले जनाएको छ।
बिज्ञापन
