ताजा
लोकप्रिय
मंगलबार नेपाल स्टक एक्सचेञ्ज (नेप्से) दिनभर घटेको थियो । तर बजार बन्द हुँदा भने शेयर बजार बढेर बन्द भएको छ ।
बिज्ञापन
नेपाल राष्ट्र बैंकका गभर्नर महाप्रसाद अधिकारीले आफ्नो कार्यकाल सकाएर बिदा भएपछि अर्को गभर्नर को आउन टुंगो नलागेका कारण बजार घटेको अनुमानका बीच आज भने बजार झिनो अंकाले बढेको छ । आज नेप्से १.७३ प्रतिशतले बढेर २६७१.८० विन्दुमा परिसूचक पुगेको छ । आज बजार झिनो अंकले बढ्दा ५ अर्ब ३० करोड ९५ लाख ६९ हजार रुपैयाँ बरबरको १ करोड ६ लाख ४३ हजार ४६९ कित्ता शेयर कारोबार भएको छ ।
बिज्ञापन
आज दिनभरमा १२१ वटा कम्पनीको शेयर मूल्य बढको छ भने १२३ वटा कम्पनीको शेयर मूल्य घटेको छ । कुनै पनि कम्पनीको शेयर मूल्य भने स्थिर रहेको छैन । आज दिनभरमा ३२१ वटा कम्पनी कारोबारमा आउँदा ५३ हजार ४९२ पटक शेयर किनबेच भएको छ ।
आज १३ वटा समूहमध्ये ६ वटा समूह बढेको छ भने बाँकी ७ वटा समूह घटेको छ । आज सबैभन्दा बढी उत्पादन तथा प्रशोधन समूह १.८३ प्रतिशतले बढेर ७ हजार ५९.५७ विन्दुमा पुगेको छ भने सबैभन्दा कम वाणिज्य बैंक समूह ०.०२ प्रतिशतले बढेर १३६४.३३ विन्दुमा पुगेको छ ।
बिज्ञापन
त्यस्तै, फाइनान्स ०.९२ प्रतिशतले, लघुवित्त ०.१६ प्रतिशतले, निर्जीवन बीमा ०.७१ प्रतिशतले र ट्रेडिङ समूह ०.९१ प्रतिशतले बढेको छ । आज सबैभन्दा बढी अन्य समूह ०.६१ प्रतिशतले घटेर २ हजार ४४६.३२ विन्दुमा पुगेको छ भने सबैभन्दा कम म्युचुअल फण्ड समूह ०.०७ प्रतिशतले घटेर १९.१६ विन्दुमा पुगेको छ ।
साथै, विकास बैंक ०.३५ प्रतिशतले, होटल तथा पर्यटन ०.५४ प्रतिशतले, होइड्रोपावर ०.२२ प्रतिशतले, लगानी ०.२८ प्रतिशतले र जीवन बीमा समूह ०.०८ प्रतिशतले बढेको छ ।
