ताजा
लोकप्रिय
नेपाल राष्ट्र बैंकले वित्तीय कारोबारमा तीन तहको सुरक्षा आवश्यक रहेको बताएको छ ।
बिज्ञापन
आधुनिक डिजिटल प्रविधिले वित्तीय सेवालाई सहज बनाएपनि प्रविधिको दुरुपयोग हुँदा जोखिम बढेकोले सुरक्षा आवश्यक रहेको बैंकले जानकारी दिएको छ । बैंकले प्रविधिको दुरुपयोगबाट बच्नका लागि तीन तहको उच्च सुरक्षा आवश्यक रहेको बताएको हो।
बिज्ञापन
-तीन तहका सुरक्षा तहहरु निम्न छन्ः–
तपाईलाई मात्र थाहा हुनेः यो तहले व्यक्ति आफूलाई मात्र थाहा हुने जानकारीलाई जनाउँछ । यसमा पासवर्ड, पिन नम्बर वा गोप्य प्रश्नको उत्तर समावेश हुन्छ । यस तहको सुरक्षा मुख्य रूपमा मानिसको ज्ञान र सम्झनामा भर पर्छ ।
बिज्ञापन
तपाईसँग मात्र हुनेः यो तहमा त्यस्ता वस्तु पर्दछन्, जसको पहुँच व्यक्ति आफूसँग मात्र हुन्छ । जस्तैः मोबाइल फोन, बैंक कार्ड वा सुरक्षा टोकन । यी वस्तुले व्यक्तिको पहिचान प्रमाणित गर्न मद्दत गर्दछन् र वित्तीय कारोबारलाई सुरक्षा प्रदान गर्दछन् ।
तपाईको आफ्नैः यसमा व्यक्तिको व्यक्तिगत बायोमेट्रिक विवरणहरू जस्तै औंठाछाप, अनुहार वा आँखाको स्क्यानिङ आदि पर्दछन् ।
बैंकले वित्तिय कारोबारका लागि प्रमाणीकरण विधिको प्रयोग गर्न र व्यक्तिगत विवरणहरु गोप्य राख्न आग्रह गरेको छ ।
