ताजा
लोकप्रिय
चालु आर्थिक वर्षको ८ महिनामा १६ अर्ब ६५ करोड रुपैयाँ बढीको विद्युतीय सवारी (कार, जीप र भ्यान) भित्रिएको छ।
बिज्ञापन
चालु आवको फागुन मसान्तसम्म १६ अर्ब ६५ करोड रुपैयाँको ७ हजार ८९ वटा ईभी भित्रिएको भन्सार विभागले जनाएको छ। जसमध्ये फागुन महिनामा मात्रै ८ सय ३३ वटा ईभी भिएको हो। विभागका अनुसार ईभी आयातबाट फागुन मसान्तसम्म १० अर्ब २२ करोड रुपैयाँ राजस्व संकलन भएको छ।
बिज्ञापन
-कति क्षमताका गाडी कति भित्रिए?
५१ किलोवाट देखि १०० किलोवाट क्षमताका गाडी सबैभन्दा धेरै भित्रिएका छन्। यो क्षमता भएका ९ अर्ब ६९ करोड २२ लाख रुपैयाँ बराबरको ३ हजार ८७९ वटा ईभी भित्रिएका छन्। जुन कुल आयात भएको ईभीको ५५ प्रतिशत हो।
बिज्ञापन
यसैगरी, ५० किलोवाटसम्म क्षमता भएका २ हजार ५४० वटा सवारी आयात हुँदा १०१ देखि २०० किलोवाटका ६५४ वटा, २०१ देखि ३०० किलोवाटका १४ र ३०० किलोवाट भन्दा माथिका २ वटा सवारी आयात भएको विभागको तथ्यांकमा उल्लेख छ।
-कुन देशबाट कति आयात?
विभागका अनुसार अधिकांश ईभी चाइनाबाट आयात भएको छ। यो अवधिमा कुल आयातको ७४ प्रतिशत ईभी चाइनाबाट आयात भएको हो। चाइनाबाट १३ अर्ब ९ करोड रुपैयाँ बढीको ५ हजार २७८ वटा ईभी आयात भएको छ।
त्यसैगरी, भारतबाट ३ अर्ब ३२ करोड ३१ लाख रुपैयाँ बढीको १ हजार ७७५ वटा ईभी आयात हुँदा जर्मनीबाट २६ वटा, अमेरिकाबाट ५ वटा, दक्षिण कोरियाबाट ३ वटा र इन्डोनेसियाबाट १ वटा ईभी आयात भएको विभागको तथ्यांकमा उल्लेख छ।
