ताजा
लोकप्रिय
मलेसियामा जारी महिला यू-१९ टी-२० क्रिकेट विश्वकप अन्तर्गत नेपालले आज अस्ट्रेलियासँग प्रतिस्पर्धा गर्दै छ। नेपाली समय अनुसार अपराह्न सवा १२ बजे शुरु हुने यस खेल नेपालका लागि महत्वपूर्ण हुनेछ।
बिज्ञापन
समुह डी मा रहेको नेपालले यसअघि खेलेका दुबै खेलमा पराजय भोगेको छ भने सुपर सिक्समा पुग्ने सम्भावना झिनो रहेको छ। अर्कोतर्फ, अस्ट्रेलियाले आफ्नो दुबै खेलमा जित निकाल्दै सुपर सिक्समा स्थान सुरक्षित गरिसकेको छ। प्रतियोगिताको मुख्य दाबेदार मानिएको अस्ट्रेलियालाई पराजित गर्न सक्ने हो भने मात्र नेपालले सुपर सिक्समा पुग्ने सम्भावना ब्यूँतिन सक्छ। आजको खेलमा नेपाली टोलीले उत्कृष्ट प्रदर्शन गर्दै दाबेदार अस्ट्रेलियालाई चुनौती दिने प्रयास गर्नेछ।
बिज्ञापन
विश्वकप खेल्न १५ सदस्यीय नेपाली टोली पूजा महतोको कप्तानीमा मलेसिया पुगेको छ। टोलीमा कप्तान पूजा महतोसँगै उपकप्तान सोनी पाख्रिन, साना प्रविन, ज्योत्सनिका मारसिनी, कुसुम गोदार, अलिशा कुमारी यादव, सावित्री धामी, क्रिश्मा गुरुङ, त्रिसना विक, किरण कुमारी कुनवार, रिया शर्मा, रचना चौधरी, सीमा केसी, स्नेहा महरा र अनु कडायत रहेका छन्। नेपाल समुह डी मा अस्ट्रेलिया, बंगलादेश र स्कटल्याण्डसँग छ। समुह चरणको खेलमा नेपालले पहिलो खेलमा बंगलादेश र दोस्रो खेलमा स्कटल्याण्डसँग पराजय बेहोरेको थियो।
जनवरी १८ बाट शुरु भएको यस विश्वकपमा १६ देश सहभागी छन्। प्रतियोगितामा नेपालसहित आयोजक मलेसिया, अस्ट्रेलिया, बंगलादेश, इङल्याण्ड, भारत, आयरल्याण्ड, न्यूजील्याण्ड, पाकिस्तान, दक्षिण अफ्रिका, श्रीलंका, वेस्ट इन्डिज, नाइजेरिया, सामोआ, स्कटल्याण्ड र अमेरिका रहेका छन्।
बिज्ञापन
