ताजा
लोकप्रिय
ललितपुर सातदोबाटोमा एक किशोरको हत्या भएको छ। ललितपुर सातदोबाटो बस्ने सुनसरी इटहरी घर भएका २३ वर्षीय नयन गुरुङको हत्या भएको प्रहरीले जनाएको छ।
बिज्ञापन
गुरुङको हत्या अभियोगमा ललितपुर महानगरपालिका–९ च्यासलस्थित टाउन अफ क्याफेका कामदार डडेलधुरा घर भई ललितपुर महानगरपालिका–९ च्यासल बस्ने २६ वर्षीय हेमराज भट्टलाई सोमबार राति प्रहरीले पक्राउ गरेको छ।
बिज्ञापन
साथै क्याफेका सञ्चालक र क्याफेका कुकलाई प्रहरीले नियन्त्रणमा लिएको छ। सञ्चालक र क्याफेका कुकलाई थप अनुसन्धानका लागि नियन्त्रणमा लिइएको हो। भट्टले सोही क्याफेमा आएका नयनलाई विवादको क्रममा चक्कु प्रहार गरेको प्रहरीद्वारा जारी बुलेटिनमा उल्लेख छ। चक्कु प्रहारबाट गम्भीर घाइते हुनुभएको नयन उपचारका क्रममा बिएन्डबी अस्पताल ग्वार्कोमा मृत्यु भएको प्रहरीले जनाएको छ।
उहाँको उपचारको क्रममा मृत्यु भएको भन्ने खबर प्राप्त हुनासाथ प्रहरी प्रभाग बालकुमारी र जिल्ला प्रहरी परिसर ललितपुरबाट खटिएको प्रहरीले भट्टलाई पक्राउ गरेको हो। यस सम्बन्धमा प्रहरीले आवश्यक अनुसन्धान गरिरहेको छ।
बिज्ञापन
