बुटवलमा मगर साहित्य महोत्सव सुरु भएको छ। नेपाल मगर महिला संघ रुपन्देहीको आयोजनामा बुटवलमा ‘प्रथम मगर साहित्य महोत्सव’ भएको हो।

बिज्ञापन

महोत्सवको एक समारोहकाबीच प्रतिनिधिसभाकी उपसभामुख इन्दिरा राना मगरले उद्घाटन गर्दै मगरहरूले देशलाई अहिलेको अवस्थामा ल्याउनका लागि महत्त्वपूर्ण योगदान दिएको बताइन्। बुटवल उपमहानगरपालिका प्रमुख खेलराज पाण्डेयले बुटवलले सबै समुदायलाई समान रूपमा व्यवहार गर्ने गरेको बताए। उनले बुटवल उपमहानगरपालिकाले मगर भाषाको नागरिक बडापत्र ल्याएको बताए।

बिज्ञापन

शनिवारसम्म चल्ने महोत्सवमा विभिन्न ७ वटा प्यानल डिस्कशन, मगर कविता वाचन प्रतियोगिता तथा स्रष्टाहरूलाई सम्मान लगायतका कार्यक्रम हुने छन्।  मगर समुदायको भाषा, साहित्य, इतिहास र परम्पराको संरक्षणमा टेवा पुग्नेगरी आयोजना गरिने सम्मेलनमा कविता वाचन प्रतियोगिता, चित्रकला प्रदर्शनी, पुस्तक प्रदर्शनी, प्राचीन सामग्रीहरूको प्रदर्शन तथा विभिन्न विषयका कार्यपत्र प्रस्तुत गरिने भएको छ।

महोत्सवमा मगर समुदायले बोल्ने ढूट, खाम तथा काईके गरी ३ वटै भाषामा कविता वाचन प्रतियोगिता हुने संयोजक रानाले बताए। देशभरका मगर साहित्यकार, कलाकार तथा फरक–फरक विधाका व्यक्तित्वहरूको सहभागिता रहनेलाई सफलतापूर्वक सम्पन्न गर्नका लागि १०१ सदस्यीय मूल आयोजक समिति तथा विभिन्न उपसमिति गठन गरिएको थियो।

बिज्ञापन