ताजा
लोकप्रिय
कैलालीमा एक महिलालाई अमानवीय व्यवहार गरेको आरोपमा ३ जना पक्राउ परेका छन् ।
बिज्ञापन
पक्राउ पर्नेमा २५ वर्षीय सुनिल मिश्री , ३७ वर्षीय लाली चौधरी र ३० वर्षीय एक महिला रहेको कैलालीका प्रवक्ता प्रहरी नायब उपरीक्षक (डीएसपी) कविन्द्रसिंह बोहराले जानकारी दिए। प्रहरीले पक्राउ परेकी महिलाको परिचय खुलाएको छैन। डीएसपी बोहोराका अनुसार उनीहरुले टीकापुर नगरपालिका–९ कालाकुण्डामा १४ वर्षीया एक बालिकालाई बोक्सी लागेको भन्दै ५५ वर्षीया एक महिलामाथि अमानवीय व्यवहार भएको थियो।
बिज्ञापन
प्रहरीका अनुसार १४ वर्षीया ती बालिका बिरामी भएपछि झारफुकका लागि माता भनिने सुनिल मिश्रीको घरमा लगिएको थियो। त्यहीक्रममा ती बालिकालाई उनकै ठूलीआमा बोक्सी लागेको आरोप लगाउँदै सुनिल मिश्रीले अमानवीय व्यवहार गरेका थिए। ती महिलाले आफूमाथि बोक्सीको आरोपमा झाक्रीसहितका तीन जनाले अमानवीय व्यवहार गरेको उजुरी आएपछि उनीहरुलाई पक्राउ गरिएको प्रहरीले जनाएको छ।
अहिले तीनै जनालाई नियन्त्रणमा राखेर इलाका प्रहरी कार्यालय टीकापुरले घटनाबारे अनुसन्धान गरिरहेको छ।
बिज्ञापन
