ताजा
लोकप्रिय
स्याङ्जामा डेंगुको सङ्क्रमण बढ्न थालेको छ । पछिल्ला केही दिनहरुमा डेंगुसँग मिल्दो लक्षण भएका विरामीहरुको सङ्ख्या बढेको जिल्लाका अस्पतालहरुले जनाएका छन् ।
बिज्ञापन
भदौको दोस्रो हप्तासम्ममा डेंगु सङ्क्रमितको सङ्ख्या १२४ रहेको जिल्ला स्वास्थ्य कार्यालय स्याङ्जाका प्रमुख केशव चापागाँईले बताउनुभयो । भदौको पहिलो १० दिनमा मात्रै ४२ जनामा सङ्क्रमण पुष्टि भएको उहाँको भनाइ छ । पछिल्लो केही दिनको विवरण सङ्कलन गर्ने काम भइरहेको जानकारी उहाँले दिनुभयो । यो आधारमा सङ्क्रमितको सङ्ख्या अझै थपिने देखिन्छ । परीक्षणको दायरा बढाइएकाले सङ्क्रमित बढि भेटिएको उहाँको दाबी छ । शङ्कास्पद बिरामीलाई अनिवार्य रुपमा परीक्षण गरिँदै आएको चापागाईंले जानकारी दिनुभयो । जिल्ला स्वास्थ्य कार्यालय, गह्रौ प्राथमिक अस्पताल तथा अन्य स्वास्थ्य संस्थाहरुमा उपचारका लागि पुग्ने विरामीहरुमा डेंगुको लक्षण देखिएको पाइए तत्कालै परीक्षण गरिँदै आएको प्रमुख चापागाईंको भनाइ छ ।
बिज्ञापन
डेगुको सङ्क्रमण बढ्न थालेपछि विभिन्न पालिकाहरुले यसको नियन्त्रणका लागि अभियान समेत सुरु गरेकाछन् । सङ्क्रमणबाट बच्नका लागि पानी जम्ने स्थानहरु सफा गर्ने, औषधी छर्र्ने लगायतका काम सुरु गरिएको भीरकोट नगरपालिका प्रमुख गोबिन्दकुमार कर्माचार्यले बताउनुभयो । स्वास्थ्य संस्थाहरुलाई उच्च सतकर्ताका साथ राख्दै नागरिकलाई सचेत पार्ने काम सुरु गरिएको गल्याङ नगरपालिकाले जनाएको छ । नगरप्रमुख गुरु प्रसाद भट्टराईका अनुसार यो सम्बन्धी सूचना प्रवाह, शङ्कास्पद विरामीलाई प्राथमिकताका साथ परीक्षण र उपचार गरिदै आएको छ ।
बिज्ञापन
