ताजा
लोकप्रिय
नेपाल राष्ट्र बैंकले आज (बुधबार) बैकहरुबाट ४० अर्ब रुपियाँ निक्षेप तान्ने भएको छ । निक्षेप संकलन बोलकबोल बिधिबाट राष्ट्र बैंकले सो बराबरको पैसा बैंकहरुबाट तान्न लागेको हो ।
बिज्ञापन
यसका लागि अनलाइन मार्फत बोलकबोल गर्न आज मध्यान्ह ३ बजेका लागि समय तोकिएको छ । राष्ट्र बैंकले एक सूचना जारी गर्दै बाणिज्य, विकास र वित्त कम्पनीलाई निक्षेप संकलनको बोलकबोलमा सहभागी हुन आग्रह पनि गरेको छ ।
बिज्ञापन
राष्ट्र बैंकले २१ दिनका उक्त ४० अर्ब रुपियाँ निक्षेप संकलन गर्न लागेको हो । यसमा बैंकहरुले घटीमा १० करोड रुपियाँ निक्षेप राख्ने प्रस्ताव गर्नुपर्नेछ । बढीमा ५ करोडले भाग गर्दा निःशेष भाग जाने गरि कुल आह्वान रकम (४० अर्ब) सम्म प्रस्ताव गर्न सक्नेछन् । यसको व्याजदर बोलकबोल विधिबाटै निर्धारण हुनेछ । २१ दिनको अवधी सकिएपछि आगामी भदौ १२ गते बैंकहरुलाई साँवा र व्याज भुक्तानी गरिने राष्ट्र बैंकको भनाइ छ ।
बिज्ञापन
