ताजा
लोकप्रिय
प्रभु बैंकका डेपुटी सीइओ मनोज न्यौपाने पक्राउ परेका छन् । केन्द्रीय अनुसन्धान व्युरो (सीआइवी)ले न्यौपानेलाई पक्राउ गरेको हो ।
बिज्ञापन
सेञ्च्युरी कमर्सियल बैंकमा हुँदा न्यौपानेले ऋण प्रवाह गर्ने क्रममा हिनामिना गरिएको भेटिएपछि पक्राउ गरिएको सीआइबी स्रोतले जानकारी दिएको छ । यस प्रकरणमा सीआइबीले यसअघि ११ जनालाई पक्राउ गरिसकेको र थप एक जनालाई पक्राउको तयारी गरिरहेको जनाइएको छ । न्यौपाने २०७८ असारमा सेञ्च्युरी कमर्सियल बैंकको प्रमुख कार्यकारी अधिकृतमा नियुक्त भएका थिए । प्रभु बैंक र सेञ्च्युरी मर्ज भएपछि न्यौपाने वरिष्ठ नायव प्रमुख कार्यकारी अधिकृत बनेका हुन् । न्यौपानेले सेञ्च्युरी बैंकमा हुँदा प्रवाह गरेको ऋणकै विषयमा प्रहरीले पक्राउ गरेको हो ।
बिज्ञापन
नेपाल राष्ट्र बैंकको अनुरोधमा दुरुपयोग भएको ऋणको अनुसन्धान भइरहेको स्रोतले जानकारी दिएको छ । सोही अनुसन्धानको शिलशिलामा न्यौपानेलाई पक्राउ गरिएको हो । न्यौपाने नेकपा एकीकृत समाजवादीका अध्यक्ष तथा पूर्व प्रधानमन्त्री माधव नेपालका भाञ्जा हुन् ।
बिज्ञापन
