ताजा
लोकप्रिय
बिज्ञापन
चालु आर्थिक वर्ष २०८२/८३ का पहिलो दुई महिनामा तीन खर्ब ५२ अर्ब आठ करोड रुपैयाँ रेमिट्यान्स (विप्रेषण) भित्रिएको छ। नेपाल राष्ट्र बैंकले सार्वजनिक गरेको पछिल्लो आर्थिक तथा वित्तीय प्रतिवेदनअनुसार, यो रकम अघिल्लो वर्षको सोही अवधिको तुलनामा ३३.१ प्रतिशतले बढी हो।
बिज्ञापन
गत आर्थिक वर्षको सोही अवधिमा रेमिट्यान्स वृद्धि दर १५.८ प्रतिशत मात्र रहेको थियो। यस वर्षको भदौ महिनामा मात्रै एक खर्ब ७४ अर्ब ६७ करोड रुपैयाँ रेमिट्यान्स नेपाल भित्रिएको राष्ट्र बैंकले जनाएको छ।
वैदेशिक रोजगारतर्फको तथ्याङ्क
बिज्ञापन
रिपोर्ट अनुसार समीक्षा अवधिमा नयाँ वैदेशिक रोजगारीका लागि अन्तिम श्रम स्वीकृति लिने नेपालीहरूको संख्या ९० हजार १९८ पुगेको छ, जबकि पुनः श्रम स्वीकृति लिनेहरूको संख्या ४५ हजार ८८४ रहेको छ। अघिल्लो वर्षको सोही अवधिमा नयाँ स्वीकृति लिने संख्या ७६ हजार ४८५ र पुनः श्रम स्वीकृति लिने ४० हजार ५८३ थियो।
राष्ट्र बैंकका अनुसार, वैदेशिक रोजगारीमा वृद्धि र औपचारिक माध्यमबाट पैसा पठाउने चलन बढेकाले रेमिट्यान्स प्रवाहमा उच्च वृद्धि भएको हो। रेमिट्यान्स वृद्धिले देशको भुक्तानी सन्तुलन सुधार्न र विदेशी मुद्राको भण्डार सुदृढ बनाउन सहयोग पु¥याएको बताइएको छ।
