ताजा
लोकप्रिय
त्रिभुवन विश्वविद्यालय उपकुलपति कार्यालयमा तोडफोड गरेको आरोपमा प्रहरीले २ जनालाई पक्राउ गरेको छ । गत जेठ १४ गते उपकुलपति प्राडा खड्क केसीको सचिवालयमा तोडफोड गरिएको थियो । उक्त कार्यमा संलग्न रहेको भन्दै प्रहरीले दिक्पाल कार्की र लोकेश कार्कीलाई पक्राउ गरेको हो ।
बिज्ञापन
उनीहरू दुवै जनामाथि अभद्र व्यवहारको कसुरमा अनुसन्धान भइरहेको जिल्ला प्रहरी परिसर काठमाडौँका एसपी तथा प्रवक्ता अपिलराज बोहराले जानकारी दिए । उपकुलपति केसीलाई भेट्न पुगेका विद्यार्थीको हुलले केसीको कार्यकक्षमा तोडफोड गरेको थियो भने रेक्टरको कार्यालयमा तालाबन्दी गरेको थियो । सोही घटनामा संलग्न भएको आरोपमा उनी पक्राउ गरिएको बोहराले बताए ।
बिज्ञापन
स्नातक तह प्रथम वर्षको भर्ना खुलाउन माग गर्दै काठमाडौँ उपत्यकाका विभिन्न क्याम्पसका नेविसंघबाट निर्वाचित भएका स्ववियु नेताहरू उपकुलपति कार्यालय गएका थिए । सोही समयमा एक हुलले तोडफोड गरेको विश्वविद्यालयले जनाएको छ ।
तोडफोडपछि विश्वविद्यालयले कानुनी प्रक्रिया अगाडि बढाएको थियो । विश्वविद्यालयले तोडफोडमा संलग्नलाई कानुनी कारबाही गर्नुका साथै क्षतिपूर्तिको माग गर्दै प्रहरीले उजुरी दिएको थियो । २०८० चैतमा सम्पन्न स्ववियु निर्वाचनअघि नै त्रिविले विद्यार्थी भर्ना बन्द गरेको थियो । अहिले आएर प्रथम वर्षको परीक्षा नजिकिँदै जाँदा उनीहरूले भने विद्यार्थी भर्ना पुनः खोल्नुपर्ने माग गर्दै आएका हुन् ।
बिज्ञापन
