ताजा
लोकप्रिय
सन नेपाल लाइफ इन्स्योरेन्सले वैशाख ३० गतेदेखि २७ प्रतिशत हकप्रद शेयर खुला गरिरहेको छ । कम्पनीले १ः०.२७ अनुपातमा १ करोड ६ लाख ९६ हजार ३२० कित्ता हकप्रद शेयर बिक्रीमा ल्यएको हो । यो हकप्रद शेयरमा जेठ १९ गतेसम्म आवेदन दिन पाइने समय निर्धारण गरिएको छ ।
बिज्ञापन
कम्पनीले प्रतिकित्ता १०० रुपैयाँको दरले १ अर्ब ६ करोड ९६ लाख ३२ हजार रुपैयाँ बराबरको हकप्रद शेयर जारी गरेको हो । यसले हकप्रद शेयर बिक्री प्रयोजनका लागि वैशाख ५ गते बुक क्लोज गरेको थियो । तसर्थ, वैशाख ४ गतेसम्म कायम रहेका सेयरधनीले मात्र यस हकप्रद शेयर भर्न पाउने छन् ।
बिज्ञापन
सन नेपालको हकप्रद सेयरमा नेपाल एसबीआई मर्चेन्ट बैंकिङले बिक्री प्रबन्धकको काम गरेको छ । लगानीकर्ताले बिक्री प्रबन्धकका साथै सन नेपाल लाइफका केन्द्रीय तथा क्षेत्रीय कार्यालयहरुबाट आवेदन दिन सक्नेछन् । हाल यस कम्पनीको चुक्ता पुँजी ३ अर्ब ९६ करोड १६ लाख रुपैयाँ रहेको छ । हकप्रद शेयर जारी भएपछि यसको चुक्ता पुँजी ५ अर्ब ३ करोड १२ लाख ३२ हजार रुपैयाँ पुग्नेछ ।
बिज्ञापन
