ताजा
लोकप्रिय
सर्वोच्च अदालतले जिल्ला अदालत रुपन्देहीसँग रवि लामिछानेको मुद्दामा मिसिलमा संलग्न सम्पूर्ण कागजात मगाएको छ ।
बिज्ञापन
सुप्रिम बचत तथा ऋण सहकारी ठगी प्रकरणमा चैत २२ गते उच्च अदालत तुलसीपुरको बुटवल इजलासले लामिछानेलाई पुर्पक्षका लागि थुनामा पठाउन आदेश गरेको थियो । उक्त आदेशविरुद्ध गत शुक्रबार लामिछानेको तर्फबाट सर्वोच्चमा ’थुनुवा दफा ७३’ निवदेन दायर भएको थियो ।
बिज्ञापन
उक्त निवेदनमाथि सुनुवाई गर्दै आइतबार न्यायाधीश टेकप्रसाद ढुङ्गानाको एकल इजलासले उच्च अदालत तुलसीपुर, बुटवल इजलासका नाममा लामिछानेलाई थुनामा पठाउने कारणसहितको लिखित कैफियत प्रतिवेदन मगाउने आदेश गरेको थियो । उक्त आदेशको पूर्णपाठमा उच्चसहित जिल्ला अदालत रुपन्देहीसँग पनि मिसिलमा संलग्न कागजात समावेश गरी पठाउन उल्लेख गरिएको छ ।
मुद्दाको मिसिलमा संलग्न सबै कागजात डिजिटलाइजेसन गरी १५ दिनभित्र पठाउन आदेशमा उल्लेख गरिएको सर्वोच्चका सहरजिस्ट्रार एवं प्रवक्ता अच्युत कुईकेलले जानकारी दिए । उच्चबाट कैफियत प्रतिवेदन र जिल्लाबाट मिसिलमा संलग्न सबै कागजात प्राप्त भएसँगै सर्वोच्चले लामिछानेले दायर गरेको रिट खारेज गर्ने वा उच्चको आदेश सच्चाएर थुनाबाहिर बसेर पुर्पक्ष गर्नसक्ने आदेश गर्नेछ ।
बिज्ञापन
