ताजा
लोकप्रिय
प्रधानमन्त्री केपी शर्मा ओलीले बैंकहरुले ऋणीहरूमाथि खराब व्यवहार गरेको टिप्पणी गरेका छन्।
बिज्ञापन
श्रम, रोजगार तथा सामाजिक सुरक्षा मन्त्रालयको आयोजनामा सोमबारबाट सुरु भएको पाँचौँ राष्ट्रिय श्रम तथा रोजगार सम्मेलन उद्घाटनमा उनले ऋणी अप्ठ्यारोमा परेको बेला उसलाई सहयोग गर्नुको साटो बैंकले झन् घाँटी निचोर्ने व्यवहार भएको भन्दै आलोचना गरे।
बिज्ञापन
ऋणी अप्ठ्यारोमा परेको अवस्थामा ऋण असुल्न हतार गर्नुको साटो उसलाई ऋण थपेर व्यवसायलाई टिकाएर सहयोग गरेर मात्र ऋण असुल्नतिर लाग्नुपर्ने प्रधानमन्त्री ओलीले सुझाव दिए। उद्योगी व्यवसायीहरू अप्ठ्यारोमा परेको बेलामा बैंकहरुको ध्यान सहयोग र सहजीकरणमा भन्दा ऋण असुल्नतिर जाने गरेको भन्दै उनले बैंकहरुलाई त्यस्तो व्यवहार नगर्न सुझाव दिए।
उनले भन्ने बेलामा खराब ऋणी भनिए पनि वास्तवमा साहु खराब हुने गरेको भन्दै आलोचना गरे। अप्ठ्यारो परेको बेला सहयोग गरेर जसले अगाडि बढाउनुपर्ने ठाउँमा घाँटी निचोर्ने खालको काम हुने गरेको भन्दै यस्ता व्यवहारबाट जोगिन उनले बैंकहरुलाई आग्रह गरे।
बिज्ञापन
‘तरिका मिलायो भने त्यो रिटर्न हुन्छ। ऊ डुब्दैछ भने पहिले उसलाई उतार्नुपर्यो। ऊ डुबिहाल्यो भने त कहाँबाट तिर्छ?’ उनले भने।
