ताजा
लोकप्रिय
सुर्खेतबाट कुम्भ मेलाका तीर्थयात्री लिएर जाँदै गरेको बस बबई नजिक दुर्घटनामा परेको छ।
बिज्ञापन
आइतबार बेलुका साढे ५ बजे भे १ ख ४३३१ नम्बरको बस दुर्घटनामा परेको हो। बस भारतको उत्तर प्रदेशस्थित गंगा, यमुना र सरस्वतीको त्रिवेणी प्रयागराजमा जारी कुम्भ भेलामा जाँदै गरेको प्रहरीले जानकारी दिएको छ।
बिज्ञापन
दुर्घटनामा घाइते भएकाहरूको यकिन विवरण आइनसकेको जिल्ला प्रहरी कार्यालय सुर्खेतका प्रवक्ता डिएसपी वीरेन्द्रवीर विश्वकर्माले जानकारी दिए। उनका अनुसार रत्न राजमार्गको सुर्खेत खण्डस्थित भेरीगंगा नगरपालिका वडा नम्बर ५ मा पर्ने सानो खोलामा बस दुर्घटना भएको हो। बस पुलबाट तल खसेको उनले बताए।
बिज्ञापन
‘घाइतेहरूको संख्या खुलेको छैन। अहिलेसम्म हताहतीको विवरण प्राप्त भएको छैन,’ डिएसपी विश्वकर्माले भने, ‘प्रहरी टोली घटनास्थल पुगिसकेको छ, केही समयपछि विस्तृत विवरण आउँछ।’
