ताजा
लोकप्रिय
माछापुच्छ्रे बैंकले चालु आर्थिक वर्षको ६ महिनामा ८० करोड ७३ रुपैयाँ खुद नाफा गरेको छ। बैंकले गत आवको दुई त्रैमास अन्त्यको बराबर नै नाफा कमाउन सफल भएको हो।
बिज्ञापन
गत आवको पुस मसान्तसम्म माछापुच्छ्रेले ८० करोड ५३ लाख रुपैयाँ नाफा गरेको थियो। बैंकको ब्याज आम्दानी घटे तापनि ब्याज खर्च पनि घटेका कारण गत आवको ६ महिनाभन्दा तुलनात्मक रुपमा केही बढी खुद ब्याज आम्दानी गर्न सफल भएको छ। यस अवधिमा बैंकले नोक्सानी व्यवस्थाका लागि छुट्याएको रकम पनि गत आवको भन्दा थोरै कम छ। यसकारण बैंकको नाफा केही लाख बढी देखिएको छ।
बिज्ञापन
६ महिनामा बैंकको खुद ब्याज आम्दानी २ अर्ब ८२ करोड र इम्पेयरमेन्ट चार्ज २० करोड ४७ लाख रुपैयाँ छ। गत वर्ष यस्तो रकम २ अर्ब ६३ करोड र २३ करोड ८६ लाख थिए। यता बैंकको निष्क्रिय कर्जा भने भारी मात्रामा बढेको छ। गत आवको पुस मसान्तसम्म २।६ प्रतिशतमा रहेको खराब कर्जाको दर अहिले बढेर ४.५४ प्रतिशत पुगेको छ। खुद निष्क्रिय कर्जा भने १.९७ प्रतिशत छ।
बैंकको नाफा झिनो मात्राले बढ्दा प्रतिसेयर आम्दानीमा ३ पैसा सुधार भएर १३.८६ रुपैयाँ, नेटवर्थ १५४.२ रुपैयाँ र पीई रेसिया १६.२७ रहेको छ। ६ महिनाको अन्त्यमा बैंकको वितरणयोग्य मुनाफा १६ करोड ६३ लाख रुपैयाँ छ ।
बिज्ञापन
