ताजा
लोकप्रिय
कैलालीमा सुनचाँदीका गहनासहित दुई जना पक्राउ परेका छन् । बाजुरा बुढीगंगा नगरपालिका १० बस्ने २५ वर्षीय सुजन शाही र कैलालीको लम्कीचुहा नगरपालिका ४ बस्ने ३४ वर्षीय रम्भा जैशीलाई कैलालीको टीकापुर नगरपालिका १ गणेशपुरबाट पक्राउ गरिएको हो ।
बिज्ञापन
सुदूरपश्चिम प्रदेश प्रहरी कार्यालय धनगढी, नेपाल प्रदेश प्रहरी कार्यालय महेन्द्रनगर कञ्चनपुर, जिल्ला प्रहरी कार्यालय कैलाली र इलाका प्रहरी कार्यालय टीकापुरबाट खटिएको संयुक्त प्रहरी टोलीले दुवै जनालाई पक्राउ गरेको हो । जिल्ला प्रहरी कार्यालय कैलालीका सहप्रवक्ता प्रहरी निरीक्षक दर्शन खड्काका अनुसार उनीहरुको साथबाट ५० ग्रामको चादीको एक सिक्का, पत्थरसहितको हिरा जस्तो देखिने दुई औंठी, सुनको एक थान बेरुवा औंठी, सुनको अर्को एउटा औंठी र सुनको दुई थान सिक्री बरामद गरिएको छ ।
बिज्ञापन
यस्तै हिरासहितको सुन जस्तो देखिने एक जोर झुम्का, खुट्टाको औलामा लगाउने दुई थान बिछिया, कालो पोते भएको सुनको नागिनी माला, चारकुने सुनको एक जोर टप र सुनको स्टार भएको एक झुम्का पनि बरामद गरिएको छ । यस्तै घटनास्थलबाट लुप्र ०१००३ प २२९९ नम्बरको यामाहा मोटरसाइकलसमेत बरामद गरिएको छ। पक्राउ परेका व्यक्तिहरूलाई इलाका प्रहरी कार्यालय टिकापुरमा राखी थप अनुसन्धान भइरहेको प्रहरीले जनाएको छ।
बिज्ञापन
