ताजा
लोकप्रिय
हिमालयन क्यापिटलले शेयरधनीलाई ७ प्रतिशत लाभांश दिने भएको छ। कम्पनीको कात्तिक ४ गते बसेको सञ्चालक समितिको बैठकले सो निर्णय गरेको हो ।
बिज्ञापन
लाभांश पारित गर्न तथा साधारणसभा प्रयोजनार्थ कम्पनीले सातौं वार्षिक साधारणसभा डाकेको छ। सभा कात्तिक २८ गते, कम्पनीको रजिष्टर्ड कार्यालय कमलादी, काठमाडौंमा बिहान ११ बजेदेखि शुरु हुनेछ । सभामा आर्थिक वर्ष २०८०/८१ को मुनाफाबाट शेयरधनीलाई करसहित ७ प्रतिशत नगद लाभांश वितरणको प्रस्ताव पेश हुनेछ।
बिज्ञापन
त्यस्तै, सभाले गत आवको सञ्चालक समिति तथा लेखापरीक्षकको प्रतिवेदनसहित २०८१ असार मसान्तसम्मको वासलात, नाफानोक्सान हिसाब, सोही अवधिको नगद प्रवाहलगायतका वित्तीय विवरणमाथि छलफल गरी पारित गर्नेछ।
साथै, चालू आवका लागि लेखारीक्षक नियुक्त गरी पारिश्रमिक तोक्ने, सञ्चालक नियुक्ति गर्ने तथा सञ्चालकहरुको भत्ता तथा अन्य सुविधामा छलफल गरी पारित गर्ने एजेन्डा रहेको कम्पनीले जनाएको छ।
बिज्ञापन
सभामा कम्पनीको रजिष्टर्ड कार्यालयको ठेगाना परिवर्तन गर्ने र सोपश्चात् प्रबन्धपत्र तथा नियमावलीमा आवश्यक संशोधनका लागि सञ्चालक समितिलाई अख्तियारी दिने एजेन्डा पनि पेश हुनेछ।
