ताजा
लोकप्रिय
कास्कीबाट साढे ५ किलो बढी अवैध चाँदी गरगहनासहित एक भारतीय पक्राउ परेका छन् । पोखरा महानगरपालिका- ३२ मजुवामा सवारी चेकजाँचको क्रममा ५ किलो ६९० ग्राम गरगहनासहित ३५ वर्षीय भूषण प्रसादलाई प्रहरीले पक्राउ गरेको हो ।
बिज्ञापन
भारतको पूर्वी चम्पारण सुगौली थाना- १० घर भएका उनी हाल पोखरा महानगरपालिका-९ नयाँबजार बस्दै आएका छन् । झोलामा लुकाएको अवस्थामा गहना बरामद गरेको जिल्ला प्रहरी कार्यालय कास्कीका सूचना अधिकारी डिएसपी बसन्तकुमार शर्माले जानकारी दिए । उनका अनुसार बुट्टावाला पाउजु १४०थान, झल्लार पाउजु १९२ थान, सादा पाउजु १२५ थान, चन्द्रमा ५ थान, साडी पिन ११ थान, पाउजुको लक हुक ४९८ थान गरेर ५ किलो ६९० ग्राम रहेको छ ।
बिज्ञापन
एक थान मोबाइल फोनसमेत बरामद भएको उनले बताए । ती गहनाको प्रमाण खुल्ने कुनै कागजात र विल नभएकाले गरगहनसहित पक्राउ गरेको उनको भनाइ छ । थप अनुसन्धान र कारबाहीका लागि आन्तरिक राजस्व अनुसन्धान विभाग हरिहर भवन पठाइएको कास्की प्रहरीले जानकारी दिएको छ ।
बिज्ञापन
