ताजा
लोकप्रिय
मुलुक चरम आर्थिक मन्दीमा गैरहेको बेला वीरगन्जस्थित सिर्सिया सुक्खा बन्दरगाह नाकाबाट गत आर्थिक वर्षमा १४ करोडभन्दा बढीको अचार निर्यात भएको छ । विभिन्न नेपाली ब्रान्डका अचार तेस्रो मुलुकतर्फ निर्यात भएको बन्दरगाहस्थित भन्सार कार्यालयले जनाएको छ ।
बिज्ञापन
भन्सार कार्यालयका प्रवक्ता सुशीलप्रसाद शर्माले अघिल्लो आर्थिक वर्षमा यस नाकाबाट १० करोड ३ लाख रुपैयाँ बराबरको १ लाख ४६ हजार किलो अचार निर्यात भएको बताएका छन् । यो नाका हुँदै बर्सेनि नेपाली अचारको निकासी बढ्दो क्रममा रहेको उनको भनाइ छ
बिज्ञापन
‘तेस्रो मुलुकमा बर्सेनि विभिन्न नेपाली ब्रान्डको माग र त्यसैअनुरूप निकासीसमेत बढ्दो क्रममा छ,’ शर्माले भने, ‘पछिल्लो केही वर्षयता नेपाली महिलामा बढेको उद्यमशीलता र उनीहरूले उत्पादन गरेका विभिन्न ब्रान्डका अचारले विशेषगरी तेस्रो मुलुकमा बस्ने नेपाली उपभोक्ताबीच लोकप्रियता कमाएको छ । त्यसैको परिणाम नेपाली अचारको माग विदेशमा बढेको छ ।’ शर्माका अनुसार अस्ट्रेलिया नेपालबाट अचार निर्यात हुने मुलुकमा पहिलो नम्बरमा रहेको छ । नेपाली उत्पादन निर्यातलाई प्रोत्साहन गर्न न्यूनतम भन्सार शुल्क लाग्ने गरेको शर्मा बताउँछन् ।
बिज्ञापन
