ताजा
लोकप्रिय
पृथ्वी राजमार्गमा पर्ने तनहुँको बन्दीपुर गाउँपालिका–१ रिमाल्नीमा बुधबार दिउँसो ३ बजे ६ वटा सवारी साधन ठक्कर खाँदा चार जना घाइते भएका छन् ।
बिज्ञापन
दमौलीबाट डुम्रे जाँदै गरेको ना ५ ख २०३४ नं. को बसको ब्रेक फेल हुँदा सात वटा सवारी साधन ठक्कर खान पुगेको जिल्ला प्रहरी कार्यालय तनहुँका सूचना अधिकारी प्रहरी नायव उपरीक्षक (डिएसपी) दीपककुमार रायले जानकारी दिनुभयो । रायका अनुसार बसले सोही दिशा जाँदै गरेको ग ३ ख १३९० नं. को ट्रकलाई ठक्कर दिई बस अनियन्त्रित हुँदा सोही दिशामा जादै गरेको ग ३ च ८३९० न.को बलेरोलाई ठक्कर दिएको थियो ।
बिज्ञापन
उक्त बलेरो गाडीले सोही दिशामा जादै गरेको ग १ ख ९५६१ नं. को बसलाई ठक्कर दिएको थियो । उक्त बसले ना १ च ८४३४ न.को बलेरो र उक्त बलेरोले ना २ ख ३७८९ नं. को हाइसलाई ठक्कर दिएको थियो ।
दुर्घटनामा घाइते हुनेहरुमा ग ३ च ८३९० नं. को बलेरो चालक मकवानपुर जिल्लाको थाहा नगरपालिका–७ बस्ने वर्ष २४ को नवराज गोले, वलेरोमै सवारहुनेहरु बाग्लुङको काठेखोला गाउँपालिका–५ बस्ने वर्ष ५९ को देवीलाल कँडेल र सोही ठाउँमा बस्नेहरु वर्ष ४९ की बिमला कडेल र नं. १ च ८४३४ नं. को बलेरोको सहचालक रौतहटको गुजुरा नगरपालिका–५ बस्ने वर्ष ४६ को निरतारिख बाबु घाईते हुनु भएको छ ।
बिज्ञापन
सबै घाइतेहरुको लक्ष्मी अस्पताल डुम्रे तनहुँमा उपचार भईरहेको छ । उक्त घटना सम्बन्धमा थप अनुसन्धान भईरहेको प्रहरीले जनाएको छ ।
