फर्स्ट माइक्रोफाइनान्स लघुवित्त वित्तीय संस्थ लिमिटेड गत आर्थिक वर्षको असार मसान्तसम्ममा १९ करोड ६९ लाख रुपैयाँ खुद नाफा आर्जन गरेको छ। यो अघिल्लो आर्थिक वर्षको सोही अवधिको तुलनामा २३.३९ प्रतिशत कम हो। अघिल्लो आर्थिक वर्षको सोही अवधिसम्ममा लघुवित्तले २५ करोड ७० लाख रुपैयाँ खुद नाफा कमाएको थियो।

बिज्ञापन

कम्पनीले सार्वजनीक गरको गत आर्थिक वर्षको चौथो त्रैमाससम्मको अपरिष्कृत वित्तीय विवरण अनुसार समीक्षा अवधिमा लघुवित्तको खुद ब्याज आम्दानी १.८७ प्रतिशतले बढेर ४३ करोड ३४ लाख ३४ हजार पुगेको छ। यता, खुद फि तथा कमिशन आम्दानी ४०.८२ प्रतिशतले घटेर ४ करोड १२ लाख ८६ हजारमा संकुचन भएको छ।

बिज्ञापन

लघुवित्तको कुल सञ्चालन आम्दानी ४७ करोड ४७ लाख २० हजार कायम भएको छ। यो अघिल्लो आर्थिक वर्षको समिक्षा अवधिको तुलनामा ४.१४ प्रतिशतले कम हो। त्यस्तै सञ्चालन मुनाफा २३.४२ प्रतिशतले घटेर २८ करोड ४७ लाखमा संकुचन भएको छ।

समीक्षा अवधिमा लघुवित्तको निष्क्रिय कर्जा शून्यबाट ०.६६ प्रतिशत पुगेसँगै इम्पेरमेन्ट चार्ज ११ करोड ६५ लाख रुपैयाँ पुगेको छ। असार मसान्तसम्ममा लघुवित्तको वितरणयोग्य मुनाफा १७ करोड ७१ लाख रुपैयाँ रहेको छ भने प्रतिशेयर वितरण योग्य मुनाफा १५ रुपैयाँ ४४ पैसा रहेको छ।

बिज्ञापन

नाफासँगै लघुवित्तको प्रतिशेयर आम्दानी पनि घटेको छ। समीक्षा अवधिमा लघुवित्तको यस्तो आम्दानी ९ रुपैयाँ ४९ पैसा घटेर १७ रुपैयाँ १६ पैसामा झरेको छ। असार मसान्तसम्ममा लघुवित्तको मूल्य आम्दानी अनुपात ४१.९१ गुणा रहेको छ भने प्रतिशेयर नेटवर्थ १३७ रुपैयाँ ८६ पैसा रहेको छ।

१ अर्ब १४ करोड ७७ लाख रुपैयाँ चुक्ता पूँजी रहेको यस लघुवित्तको जगेडा कोषमा ४३ करोड ४६ लाख रुपैयाँ सञ्चित छ। समीक्षा अवधिमा लघुवित्तको सापटी २१.०७ प्रतिशत घटेको छ भने कर्जा लगानी २६.३३ प्रतिशत घटेको छ।