ताजा
लोकप्रिय
शुभम् पावर लिमिटेडको आइपीओमा ८९ करोड ८१ लाख रुपैयाँ माथिको आवेदन परेको छ । शुक्रबारसम्ममा कम्पनीको आईपीओका लागि ८९ करोड ८१ लाख ७४ हजार रुपैयाँ बराबरको ८९ लाख ८१ हजार ७४० कित्ताका लागि आवेदन परेको हो ।
बिज्ञापन
कम्पनीले माघ १८ गतेदेखि सर्वसाधारणका लागि ४ लाख ८१ हजार ८ सय ८२ कित्ता आइपीओ बिक्री खुला गरिरहेको छ । शुक्रबारसम्ममा ७ लाख ९३ हजार ७५ जना सर्वसाधारणले आईपीओका लागि आवेदन दिएको सीडीएस एन्ड क्किलयरिङ लिमिटेडले जनाएको छ ।
बिज्ञापन
कुल ५ लाख ८० हजार ५८० कित्ता सेयरमध्ये १० प्रतिशत अर्थात् ५८ हजार ५८ कित्ता सेयर वैदेशिक रोजगारीमा रहेका नेपालीहरुका लागि निष्कासन गरेको कम्पनीले ५ प्रतिशत अर्थात् २९ हजार ३० कित्ता सामूहिक लगानी कोष र २ प्रतिशत अर्थात् ११ हजार ६१० कित्ता कर्मचारीहरूलाई छुट्याएको छ । बाँकी रहेको ४ लाख ८१ हजार ८ सय ८२ कित्ता सेयर सर्वसाधारणका लागि छुट्याएको हो । कम्पनीको आईपीओका लागि माघ २२ गतेसम्म आवेदन दिन सकिन्छ ।
लगानीकर्ताले यसमा न्यूनतम १० कित्तादेखि अधिकतम ५ हजार कित्ताको लागि आवेदन दिन सक्नेछन् ।
बिज्ञापन
