ताजा
लोकप्रिय
बेपत्ता विपिन जोशीलाई खोज्न इजरायल पुगेका उनकी आमा र बहिनी आज रित्तो हात नेपाल फर्किएका छन्। विपिनको अवस्थाबारे स्पष्ट जानकारी नपाएपछि र कुनै ठोस परिणाम हासिल गर्न नसकेपछि उनीहरू स्वदेश फर्किन बाध्य भएका हुन्।
बिज्ञापन
इजरायलमा बसाइका क्रममा आमा–बहिनीले त्यहाँका राष्ट्रपति, प्रधानमन्त्रीसहित उच्चपदस्थ अधिकारी तथा विभिन्न संस्थाका प्रतिनिधिहरुलाई भेटेर विपिनको चाँडो रिहाइका लागि पहल गरिदिन आग्रह गरेका थिए। तर, धेरै प्रयासका बाबजुद तत्कालीन समाधान आउन नसकेपछि उनीहरू विपिनबिनै नेपाल फर्किएका हुन्।
बिज्ञापन
यसबीचमा इजरायलमा रहेका नेपाली समुदायले भने आमा र बहिनी फर्किए पनि बिपिनको खोजी र रिहाइका लागि आफूहरूले निरन्तर पहल जारी राख्ने प्रतिबद्धता जनाएका छन्। उनीहरूले मानवीय पक्षलाई मध्यनजर राखी इजरायली पक्षले बिपिनलाई चाँडो भन्दा चाँडो सुरक्षित मुक्त गराउनुपर्ने माग गरेका छन्।
नेपाल फर्किएका आमा–बहिनीले पनि स्वदेशमै बसेर सरकारसँग निरन्तर पहल गर्न र छोराको चाँडो रिहाइको लागि दबाब दिन आफूहरू सक्रिय रहने बताएका छन्।
बिज्ञापन
