ताजा
लोकप्रिय
सीवाइसी नेपाल लघुवित्त वित्तीय संस्थाको नाफामा उछाल आएको छ । कम्पनीको नाफा तीन गुणा बढेको छ ।
बिज्ञापन
कम्पनीले आइतबार प्रकाशन गरेको गत आर्थिक वर्ष २०८१/८२ को चौंथो त्रैमासिक वित्तीय विवरणले यस्तो देखाएको हो । गत आवमा कम्पनीको नाफा २०८.४४ प्रतिशत वृद्धि भई ११ करोड ७४ लाख रुपैयाँ पुगेको छ । जबकि, गत आवको सोही अवधिमा कम्पनीको यस्तो नाफा २ करोड ९७ लाख रुपैयाँ रहेको थियो ।
बिज्ञापन
कम्पनीको खदु ब्याज आम्दानी पनि ४१.३० प्रतिशत वृद्धि भई ४५ करोड ३ लाख रुपैयाँ कायम भएको छ । यता, संचालन नाफा पनि २५०.५३ प्रतिशत बढेर १६ करोड २७ लाख रुपैयाँ पुगेको छ । यसरी खुद ब्याज आम्दानी र संचालन नाफामा आएको बढोत्तरीले नै कम्पनीको खुद नाफा वृद्धि भिएको हो । कम्पनीको वितरणयोग्य नाफा ९ करोड १० लाख रुपैयाँ छ । यसका आधारमा कम्पनीको लाभांश क्षमता ३४.१७ प्रतिशत लाभांश दिन सक्ने क्षमता बनाएको छ ।
हाल कम्पनीको चुक्ता पुँजी २६ करोड ६४ लाख रुपैयाँ छ । जगेडा तथा कोषमा ४७ करोड २० लाख रुपैयाँ राखेको छ । कम्पनीको प्रतिशेयर (इपिएस) ४४.०९ रुपैयाँ र प्रतिशेयर नेटवर्थ २७७.१७ रुपैयाँ छ । कम्पनीले खराब कर्जा पनि घटाएको छ । हाल यस्तो कर्जा ४.५४ प्रतिशत कायम भएको छ ।
बिज्ञापन
कम्पनीको व्यवसाय पनि सकरात्मक रुपमा बढेको छ । कम्पनीले गत आवमा आइपुग्दा ५ अर्ब ८६ करोड ५९ लाख रुपैयाँ निक्षेप संकलन गरेको छ ।यो अघिल्लो आवको तुलनामा १०.४९ प्रतिशत धेरै हो । यता, कर्जा प्रवाह पनि ४.९६ प्रतिशत बढाएर ६ अर्ब २५ करोड ५२ लाख रुपैयाँ पुर्याएको छ ।
