ताजा
लोकप्रिय
बजारमा अण्डाको उत्पादन घटेसँगै मूल्य बढेर हालसम्मकै उच्च भएको छ । उत्पादन घट्न थाले पछि किसानहरूले अण्डाको लागत मूल्य पाउने भएका हुन् ।
बिज्ञापन
नेपाल लेयर्स कुखुरापालक संघले विभिन्न पोल्ट्री फार्महरूले सार्वजनिक गरेको दररेटलाई आधार मान्दै किसानका लागि समर्थन मूल्य निर्धारण गरेको हो। संघले आजदेखि लागू हुने गरी ठूलो अण्डाको समर्थन मूल्य प्रतिक्रेट (९३० वटा) ५२५ रुपैयाँ र मध्यम अण्डाको ४९५ रुपैयाँ कायम गरेको छ।
बिज्ञापन
यी दररेटहरू चितवनलाई आधार मानी तय गरिएका हुन्। चितवनबाट अन्य जिल्लामा अण्डा पठाउँदा त्यस क्षेत्रअनुसारको बजार मूल्य फेरिन सक्ने संघले जनाएको छ। संघका अध्यक्ष विनोद पोखरेलका अनुसार बिक्री मूल्य ठूलो अण्डाको प्रतिपेटी (७ क्रेट) ३८५५ रुपैयाँ र मिडियम अण्डाको ३६४५ रुपैयाँ निर्धारण गरिएको छ।
उनका अनुसार यसअघि अघिल्लो वर्षको भदौमा ठूलो अण्डाको मूल्य अधिकतम ५१० रुपैयाँ प्रतिकृेट पुगेको थियो, तर अहिलेको मूल्य हालसम्मकै उच्च हो। अध्यक्ष पोखरेलका अनुसार अण्डाको लागत मूल्य प्रतिगोटा १६ रुपैयाँ ५६ पैसा रहेको छ र अहिलेको मूल्यले किसानले लागत बराबर आम्दानी गर्न थालेका छन्। अण्डा उत्पादनमा संलग्न कुखुराको संख्या घटेका कारण आपूर्तिमा कमी आएपछि मूल्य वृद्धि भएको हो।
बिज्ञापन
