ताजा
लोकप्रिय
नेपाल राष्ट्र बैंकमा नयाँ गभर्नर नियुक्त भएका छन्।
बिज्ञापन
एक आम मान्छेका लागि गभर्नरले गर्ने आर्थिक र मौद्रिक कामभन्दा एउटा अर्कै पक्षले चासो राख्छ। हरेक नयाँ गभर्नरसँगै नयाँ नोटमा कस्तो दस्तखत आउला भन्ने आम कौतुहल रहन्छ। त्यही भएर हामीले मन्त्रिपरिषदको निर्णय हुनेबित्तिकै नवनियुक्त गभर्नर डा. विश्वनाथ पौडेलसँग उनको हस्ताक्षर दिन आग्रह गर्दै भन्यौं,’अब नयाँ नोटमा छापिएर तपाईंको दस्तखत हामीले अहिले नै हेर्न मिल्छ’
बिज्ञापन
उनले सहमति जनाउँदै हामीलाई आफ्नो डिजिटल दस्तखत पठाइदिए। तर यो दस्तखत तत्काल भने नोटमा छापिएर आउँदैन। गभर्नरको कार्यकाल पाँच वर्षको हुन्छ। सामान्यतया दुईरतीन वर्षपछिका नयाँ नोटमा मात्र नयाँ गभर्नरको हस्ताक्षर भएका पैसा बजारमा देखिन्छन्।
पैसा भनेको जति बेला भन्यो, त्यति बेला छापिने होइन। चलनचल्तीमा रहेका, पहिल्यै छापिएको पैसा झुत्रा भएपछि मात्र नयाँसँग साट्ने गरिन्छ। सामान्यतया पैसाको आयु ५ वर्षको हुन्छ। अहिले नेपालमा ५, १०, २०, ५०, १००, ५०० र १,००० दरका नोट चल्तीमा छन्। डिजिटल कारोबार बढेसँगै अहिले राष्ट्र बैंकले कम पैसा छाप्ने नीति लिएको छ।
बिज्ञापन
