ताजा
लोकप्रिय
चालु आर्थिक वर्षको माघ महिनासम्ममा १२ वटा विकास बैंकले खुद नाफा आर्जन गर्दा ५ वटाले घाटा व्योहोरेका छन्। नाफा आर्जन गरेका १२ वटा विकास बैंकमध्ये पनि १० वटाको नाफा वृद्धि भएको छ भने २ वटाको नाफा घटेको नेपाल राष्ट्र बैंकले जानकारी दिएको छ।
बिज्ञापन
माघ मसान्तसम्म धेरै नाफा आर्जन गर्ने विकास बैंकको सूचीको पहिलो नम्बरमा गरिमा विकास बैंक रहेको छ भने धेरै नाफा वृद्धि गर्नेमा सिन्धु विकास बैंक अगाडि छ। पछिल्लो ७ महिनामा गरिमाले ६८ करोड ३२ लाख रुपैयाँ खुद नाफा आर्जन गरेको छ। यो नाफा गत आवको सोही अवधिको तुलनामा २२.४३ प्रतिशत बढी हो।
बिज्ञापन
सिन्धु विकास बैंकले १८८.५२ प्रतिशतले नाफा वृद्धि गरेको छ। गत वर्षको माघ मसान्तसम्म १ करोड ६८ लाख रुपैयाँ नाफा आर्जन गरेको सिन्धुले चालु आवको सोही अवधिमा ४ करोड ८५ लाख रुपैयाँ नाफा आर्जन गर्न सफल भएको छ। यो अवधिमा कर्पोरेट डेभलपमेन्ट बैंकको नाफा ८८.८९ प्रतिशतले घटेको छ। गत आवको ७ महिनामा १ करोड ७ लाख रुपैयाँ नाफा आर्जन गरेको बैंकले चालु आवको सोही अवधिमा २० लाख रुपैयाँ मात्र नाफा आर्जन गरेको छ।
यो अवधिमा घाटा व्योहोर्नेहरुमा सालपा डेभलपमेन्ट बैंक, नारायणी डेभलपमेन्ट बैंक, सप्तकोशी डेभलपमेन्ट बैंक, एक्सल डेभलपमेन्ट बैंक र कर्णाली विकास बैंक रहेका छन्। जसमध्ये गत आवको माघ मसान्तसम्म कर्णालीको खुद नाफा ४ करोड ६४ लाख रुपैयाँ थियो। चालु आवको माघ मसान्तसम्म सो बैंक ७२ करोड १३ लाख रुपैयाँले घाटामा रहेको छ।
बिज्ञापन
सालपा र सप्तकोशीको घाटा घटेको छ भने नारायणीको घाटा झन बढ्दै गएको राष्ट्र बैंकको तथ्यांकले देखाउँछ।
