ताजा
लोकप्रिय
आईसीसी च्याम्पियन्स ट्रफी क्रिकेटमा समूह ‘बी’ को अन्तिम खेलमा इंग्ल्याण्डले दक्षिण अफ्रिकालाई एक सय ८० रनको लक्ष्य दिएको छ । कराचीको नेशनल स्टेडियममा टस जितेर ब्याटिङ गरेको इंग्ल्याण्ड एक सय ७९ रनमा अलआउट भयो ।
बिज्ञापन
इंग्ल्याण्डका लागि जोय रुटले सबैभन्दा धेरै ३७ रन बनाए । यस्तै जोफ्रा आर्चरले २५, बेन डकेटले २४ र कप्तान जोस बटलरले २१ रन बनाए । दक्षिण अफ्रिकाका मार्को जेन्सेनले तीन विकेट लिए । यस्तै वायन मल्डर र केशव महाराजले समान दुई विकेट तथा लुङ्गी न्गिडी र कागिसो रबाडाले समान एक विकेट लिए । दक्षिण अफ्रिकाले केही बेरमा जवाफी ब्याटिङ गर्दैछ ।
बिज्ञापन
यो खेलपछि सेमिफाइनल समीकरण पूरा हुनेछ । दक्षिण अफ्रिका दुई खेलमा तीन अङ्कसहित तालिकाको दोस्रो स्थानमा छ । दुई वटै खेल हारेको इङ्गल्यान्ड अङ्कविहीन हुँदै पुछारमा छ । यो समूहबाट अस्ट्रेलिया तीन खेलमा चार अङ्कसहित सेमिफाइनलमा पुगिसकेको छ । अफगानिस्तान तीन खेलमा तीन अङ्कसहित तेस्रो स्थानमा छ । आजको खेलमा इंग्ल्याण्डले दक्षिण अफ्रिकामाथि निकै ठूलो अन्तरको जीत निकाले मात्र अफगानिस्तान अन्तिम चारमा पुग्ने सम्भावना रहन्छ । दक्षिण अफ्रिका नेट रन रेटका आधारमा अफगानिस्तानभन्दा निकै अघि छ ।
गएराति अफगानिस्तानसँगको खेल वर्षाका कारण रद्द भएसँगै एक अङ्क बाँड्दै अस्ट्रेलिया अन्तिम चार मा पुगेको हो । यस्तै समूह ‘ए’ बाट न्युजिल्यान्ड र भारत सेमिफाइनलमा पुग्दा आयोजक पाकिस्तान र बङ्गलादेश समूह चरणबाटै बाहिरिइसकेका छन् ।
बिज्ञापन
