ताजा
लोकप्रिय
स्वीडेनको ओरेब्रोस्थित एक क्याम्पसमा गोली चल्दा १० जनाको मृत्यु भएको छ। सो घटनामा गोली चलाउने व्यक्ति पनि मृत फेला परेका छन्।
बिज्ञापन
स्वीडिस प्रहरीका अनुसार २० वर्षभन्दा बढी उमेरका विद्यार्थीहरुले पढ्ने ‘रिसबर्गस्का’ नामको क्याम्पसमा मंगलबार एक युवकले गोली चलाएका थिए। त्यसपछि उनले आफैंलाई गोली हानेर आत्महत्या गरेको स्वीडिस समाचार एजेन्सी टीटीले जनाएको छ।
बिज्ञापन
गोली लागेर थुप्रै व्यक्ति घाइते भएकाले मृतकको संख्या बढ्न सक्ने अनुमान प्रहरीले गरेको छ। शिक्षिका लिन वारेनमार्कका अनुसार मंगलबार दिउँसो गोली चल्दा क्याम्पस परिसरमा कम विद्यार्थीहरु थिए। किनभने परीक्षा पछि धेरै विद्यार्थीहरु घर फर्किसकेका थिए। उनले १० पटकसम्म गोली पड्केको सुनेको बताएकी छन्।
घटनास्थलको भिडियोमा गोली चलेको खबर पाउनासाथ प्रहरीसहितको टोली विद्यालय परिसरमा पुगेका थिए। उनीहरुले क्याम्पस र नजिकका घरहरुबाट मानिसहरुलाई बाहिर निकालिएको थियो। प्रधानमन्त्री उल्फ क्रिस्टरसनले यो घटना स्वीडेनको इतिहासको खराबमध्ये एक भएको बताएका छन्। साथै उनले यसबारे अनुसन्धान जारी रहेको बताएका छन्।
बिज्ञापन
बीबीसीका अनुसार घटनास्थल राजधानी स्टकहोमबाट करिब १२४ किलोमिटर पश्चिममा पर्दछ।
