ताजा
लोकप्रिय
माछापुच्छ्रे बैंकका प्रमुख कार्यकारी अधिकृत (सीईओ) सन्तोष कोइराला नेपाल बैंकर्स एशोसिएसनको अध्यक्ष बन्ने पक्का भएको छ।
बिज्ञापन
वाणिज्य बैंकहरुको प्रमुख कार्यकारी अधिकृतको संस्थाको रूपमा रहेको संघमा आगामी कार्यकालको लागि अध्यक्षमा कोइरालाको एकल उम्मेदवारी परेको हो। त्यस्तै, संघको उपाध्यक्षमा ग्लोबल आईएमई बैंकका सुरेन्द्र रेग्मी चयन भएका छन्।
बिज्ञापन
संघमा अध्यक्ष, उपाध्यक्ष र आठ जना सदस्य रहने व्यवस्था छ। बहालवाला पछिल्लो पूर्व अध्यक्षलाई निवर्तमान अध्यक्षको हैसियतमा अध्यक्षपछिको दोस्रो वरियताक्रममा राख्ने गरिएको छ।
यस पटकको साधारण सभाबाट अध्यक्षमा कोइराला नियुक्त हुने भएसँगै उक्त पद खाली हुन लागेको हो। सो पदमा सुरेन्द्र रेग्मी चयन भएका हुन्। नेपाल एसबीआई बैंकका दीपकुमार डे पनि बिदा हुँदै छन्। त्यसबाहेक एक सदस्य अहिले खाली छ। उक्त ठाउँमा नेपाल बैंकका तिलकराज पाण्डे र कुमारी बैंकका रामचन्द्र खनाल निर्विरोध भएका छन्।
बिज्ञापन
अहिले संघका सदस्य रहेका प्रभु बैंकका अशोक शेरचन, सानिमा बैंकका निश्चलराज पाण्डे, प्राइम बैंकका सञ्जीव मानन्धर, एभरेस्ट बैंकका सुदेश खालिङ, सिद्धार्थ बैंकका सुन्दर प्रसाद कँडेल हिमालयन बैंकका अशोक राणा कायमै रहनेछन्। उम्मेदवारीका लागि आजसम्म मनोनयन दर्ता गर्ने समय थियो। संघको साधारण सभा बुधवार हुँदै छ।
