ताजा
लोकप्रिय
अल्लु अर्जुन स्टारर दक्षिण भारतीय फिल्म ‘पुष्पा २ : द रुल’ले नेपाली बक्स अफिसमा पहिलो सप्ताहन्त ‘ब्लकबस्टर’ कमाइ गरेको छ । शुक्रबारदेखि शनिबारसम्मै हलहरूमा दर्शकीय उछाल देखियो ।
बिज्ञापन
फिल्मले शनिबार दिउँसो १२ बजेसम्म देशब्यापी ७ करोड ८५ लाख ग्रस कमाएको स्रोतले जनाएको छ । त्यसपछि रात्रीकालिन शो समेतको १ करोड जोड्दा फिल्मको ३ दिने ग्रस कलेक्सन ८ करोड ५० लाख रुपैयाँ ग्रस हाराहारीमा हुन आउँछ । ‘यो ब्लकबस्टर कमाइ हो । तर, यसले लगानी उठाउन पनि अर्को साता पनि यस्तै उछाल ब्यापार गर्नुपर्छ’ स्रोतले भन्यो । तीन नेपाली वितरकले यो फिल्मलाई झण्डै ७ करोड मूल्यमा नेपाल ल्याएका हुन् । यसअनुसार लगानी उठाउन पनि फिल्मले २२ करोड ग्रस कमाउनैपर्छ ।
बिज्ञापन
अहिलेसम्मकै महंगो मूल्यमा सुकुमार निर्देशित फिल्म नेपाल भित्रिएको हो । यो फिल्म विहिबारदेखि नेपालका हलमा रिलिज भएको हो । यदि थ्रीडी संस्करण रिलिज भएको भए फिल्मको ग्रस अझै धेरै हुन सक्थ्यो । ‘पुष्पा २’मा अल्लु अर्जुन, रश्मिका मन्दाना लगायतका कलाकारको अभिनय छ । फिल्मले भारत र अन्तर्राष्ट्रिय बजारमा अहिलेसम्मकै उच्च ओपनिङ गर्ने भारतीय फिल्मको कीर्तिमान रचेको छ ।
बिज्ञापन
