ताजा
लोकप्रिय
पाल्पास्थित सिद्धार्थ राजमार्गमा सोमबार राति दुईवटा ट्रक एक आपसमा ठोक्किँदा एक जनाको मृत्यु भएको छ भने एक जना घाइते भएका छन्।
बिज्ञापन
बुटवलबाट पोखरा जाँदै गरेको लु १ ख ९३५१ नम्बरको ट्रकले ना १ क ७१२१ नम्बरको ट्रकलाई पछाडिबाट ठक्कर दिँदा चालकको मृत्यु भएको हो। मृत्यु हुनेमा लु १ ख ९३५१ नम्बरको ट्रक चालक पाल्पाको रम्भा गाउँपालिका-३ बस्ने २३ वर्षीय भुवन सिंह राना रहेका छन्। उनको लुम्बिनी मेडिकल कलेज प्रभासमा उपचारको क्रममा मृत्यु भएको जिल्ला प्रहरी कार्यालय पाल्पाका डीएसपी सुनिल मल्लले बताए।
बिज्ञापन
घटनामा ना १ क ७१२९ नम्बरका ट्रकका सहचालक स्याङ्जाको वालिङ नगरपालिका-१० बस्ने २१ वर्षीय सज्जित खवास थापा घाइते भएका छन्। ब्रेक फेल भएर दुर्घटना भएको हुनसक्ने प्रारम्भिक अनुमान गरिएको प्रहरीले जनाएको छ।
बिज्ञापन
