ताजा
लोकप्रिय
धनुषामा मोटरसाइकल अनियन्त्रित भएर दुर्घटना हुँदा एक जनाको मृत्यु भएको छ । अन्य एकजना गम्भीर घाइते भएका छन् ।
बिज्ञापन
मृत्यु हुनेमा धनुषाको सबैला नगरपालिका- १२ रघुनाथपुर बस्ने वर्ष ४८ का विश्वेश्वर मण्डल रहेका धनुषाका प्रहरी प्रवक्ता डीएसपी बरुणबहादुर सिंहले जानकारी दिए । उनका अनुसार आइतबार साँझ जनकपुरबाट धनुषाधाम तर्फ गइरहेको स ७ प ३९३२ नम्बरको मोटरसाईकल मिथिलाविहारी नगरपालिका-२ पर्शुराम तलाउस्थित अनियन्त्रित भएर दुर्घटना भएको थियो ।
बिज्ञापन
दुर्घटनामा गम्भीर घाइते मण्डलको उपचारको लागि प्रादेशिक अस्पताल जनकपुर ल्याउँदा चिकित्सकले मृत घोषणा गरेका थिए । मोटरसाइकलमा पछाडि सबार मृतककै आफन्त नन्द मण्डलकी २२ वर्षीया छोरी रेणु मण्डल गम्भीर घाइते रहेको डीएसपी सिंहले बताए । उनको प्रादेशिक अस्पताल जनकपुरमा उपचार भइरहेको र घटना विषयमा थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।
बिज्ञापन
