नेपालको प्रमुख डिजिटल भुक्तानी नेटवर्क फोन पेले असोज २ गतेदेखि लागू हुने गरि प्रतिक्षित ‘सुपर यात्रा’ अभियान घोषणा गरेको छ । दशैँ र तिहार चाँडै नजिकिँदै गर्दा यो अभियानले हवाई टिकटको खरिदमा आकर्षक क्यासब्याक पुरस्कार प्रदान गरेर यात्रा अझ सस्तो र सुविधाजनक बनाउन लक्षित गरेको छ ।

बिज्ञापन

‘सुपर यात्रा’ अभियानको अंशको रूपमा नयाँ प्रयोगकर्ताहरूले पहिलो हवाई टिकट बुकिङमा तीन सय रुपैयाँ क्यासब्याक प्राप्त गर्नेछन् भने विद्यमान प्रयोगकर्ताहरूले टिकट खरिदमा दुई सय रुपैयाँ क्यासब्याकको लाभ लिन सक्नेछन् । यी क्यासब्याक प्रस्तावहरूको अतिरिक्त फोन पेले रोचक गिफ्टहरूको पनि घोषणा गरेको छ । एक भाग्यमानी विजेताले एक वर्षका लागि निःशुल्क हवाई टिकट प्राप्त गर्नेछन् भने हरेक हप्ता, पाँच भाग्यमानी सहभागीहरूले स्मार्टवाच जित्ने अवसर पाउने छन् ।

बिज्ञापन

यो पहल चाडपर्वको समयमा यात्रा मागको उच्च स्तरलाई पूरा गर्न र प्रयोगकर्ताहरूलाई हवाई टिकट बुकिङको लागि सहज र सस्तो डिजिटल भुक्तानी विकल्पहरू प्रदान गर्न डिज़ाइन गरिएको छ । सहज अनलाइन सेवाहरूको बढ्दो प्राथमिकतासँगै फोन पे प्रयोगकर्ताहरूलाई हवाई टिकट बुकिङको लागि एक समर्पित, नगदरहित अनुभव प्रदान गर्न प्रतिबद्ध रहेको जनाएको छ ।

‘दशैँ र तिहार नेपालमा प्रमुख यात्रा सिजनहरू हुन् । सुपर यात्रा अभियानमार्फत हामी हाम्रा ग्राहकहरूलाई सस्तो र सुविधाजनक यात्रा विकल्पहरू प्रदान गर्न चाहन्छौं’, फोन पेका सीएसओ सुभोद शर्माको भनाइ छ । ‘क्यासब्याक प्रोत्साहन र गिफ्टहरूको माध्यमबाट हामी ग्राहक सन्तुष्टि बढाउन र थप प्रयोगकर्ताहरूलाई डिजिटल भुक्तानी अपनाउन प्रोत्साहित गर्न चाहन्छौं, शर्माले भनेका छन् ।

बिज्ञापन