स्वस्थ रहन दूधको नियमित सेवन आवश्यक हुन्छ । वास्तवमा, दूधमा पाइने भिटामिन डी र क्याल्सियमले हड्डीलाई बलियो बनाउँछ।

बिज्ञापन

यसका साथै यसले शरीरलाई ऊर्जा प्रदान गर्नुका साथै रोगबाट पनि बचाउँछ । दूधमा प्रदान गर्ने क्षमता भएका अनगिन्ती फाइदाहरू छन्। त्यस्तै, कतिपय यस्ता छन् जसले दूध पिउँछन् तर फाइदा भने पाउँदैनन् । गलत समयमा दुध पिउनु पनि यसको प्रमुख कारण हुन सक्छ । अब प्रश्न उठ्छ, दूध पिउने सही समय कुन हो ? कुन समयमा दूध पिउनाले सबैभन्दा धेरै स्वास्थ्य लाभ गर्छ?

बिज्ञापन

निस्सन्देह, दूध पिउने समयको बारेमा मानिसहरूको फरक फरक विचारहरू छन्। तर विज्ञहरूले राति दूध पिउन सल्लाह दिन्छन्। रिपोर्टका अनुसार राती दूध पिउनाले राम्रो निद्रामा मद्दत गर्छ । यसबाहेक, निद्राले गतिविधिको स्तर पनि कम गर्छ। त्यसैले शरीरले दूधबाट अधिकतम क्याल्सियम अवशोषित गर्छ। त्यसैले यो समय दूध पिउनुका लागि बढी फाइदाजनक हुन्छ । तर, दिउँसो दूध पिउनुमा कुनै हानि छैन ।

कसरी पिउने ?

बिज्ञापन

दुधमा उपलब्ध यति धेरै पोषक र पाचक गुणका कारणले यसलाई आयुर्वेदमा एउटा छुट्टै स्थान दिइएको छ । तर, आयूर्वेदनका अनुसार दूधबाट स्वास्थ्य लाभ लिनका लागि सबैभन्दा पहिले यो थाहा पाउनुपर्छ कि यसलाई कतिबेला र कसरी पिउने हो रु

१) दूधलाई मिल्क सेक बनाएर नपिउने

आयुर्वेदका अनुसार दूधलाई मिल्कसेकको रुपमा पिउनु स्वास्थ्यका लागि ठिक छैन । दूधमा काँचो फल, केरा, आप आदि मिलाएर खानु हुँदैन ।

२) दुधमा केरा नमिसाउने

केरालाई दूधसँग मिलाएर खानु हुँदैन किनकी यसबाट शरीरमा टक्सिन जम्मा हुन थाल्छन् । यसले गर्दा रुघा, खोकी, ज्वरो एलर्जी र छालाका समस्याहरु उत्पन्न हुन्छन् ।

३) दुध पिउने विशेष समय

आयुर्वेदका अनुसार हरेक दिन दूध पिउने एउटा विशेष समय हुन्छ । उक्त समयमा दूध पिउँदा तपाईंले बढिभन्दा बढि फाइदा लिन सक्नुहुन्छ । आयुर्वेद विशेषज्ञहरुका अनुसार दूध बिहानै वा राति सुत्नुअघि पिउनु मुनासिब हुन्छ । यसबाट अत्यधिक लाभ लिनका लागि यसमा अश्वगन्धा वा त्रिफला मिलाएर पिउनुपर्छ । यसबाट तपाईंलाई राति राम्रो निद्रा पर्छ भने आँखालाई पनि यसले फाइदा पुग्छ ।

४) रातमा दूध पिउँदाका फाइदा

दूध पिउने सबैभन्दा उपयुक्त समय राति सुत्नुअघि नै हो । आयुर्वेदका अुनसार दूधमा सेडेटिभ गुण पनि हुन्छ जसको कारणले रातमा यसलाई पिउँदा यसमा हुने सेरोटोनिनले अतपाईंलाई शान्त बनाउँछ र राति मिठो निद्रा पर्छ । यसका अलावा दूधमा क्याल्सियमको अत्यधिक मात्रा हुने कारणले यसलाई राति पिउँदा सजिलै शरीरमा अवशोषित हुन्छ ।

५) राती पचाउन नसके बिहान

पुराना मान्यताहरुको कुरा गर्दा दूध बिहान पिउनुपर्छ ताकि यो सजिलै पच्न सकोस । आजकालको जीवनमा जो मानिसहरु एक्सरसाइज गरेपछि बिहान दूधको सेवन गर्छन्, उनीहरुलाई एसिडीटी हुन सक्छ । त्यसैले दूध वा चियाँसँग बिस्कुट(पाउरोटी खान सल्लाह दिइन्छ ।

६) मसल्स बनाउनलाई राति पिउने

आफ्नो मांशपेशी बलियो बनाउन चाहने व्यक्तिहरुले रातमा दूध पिउँदा यसमा हुने प्रोटीनले उनीहरुलाई अत्यधिक फाइदा गर्छ । पोषणविदहरुको भनाईमा राति सुत्नुअघि कुनै पनि कुरा खानाले शरीरमा उर्जाको सञ्चार पनि हुन्छ ।

७) साँझ परेपछि पिउने

साँझ परेपछि कुनै पनि बेला दूध पिउनु स्वास्थ्यका दृष्टिले सुरक्षित मानिन्छ ।

दूध पिउँदा निम्न कुरामा ध्यान दिनुहोस्

दूधमा शरिरलाई आवश्यक पोषण तत्व हुन्छ, त्यसलै यसको फाइदा अत्यधिक हुन्छ। तर, कतिपय मानिसको शरिरले दूधमा हुने ल्याक्टोज सहँदैन। यस्तो अवस्थामा उनीहरुले दूध पिउनु हुँदैन। तातो दूधले शरिरलाई आनन्द प्रदान गर्छ। यसले कब्जियतको समस्या समाधान गर्छ। तर चिसो दूध पिउँदा वा दूधमा कागती वा केरा मिसाएर खाँदा पाचन प्रणालीमा गडबढ गर्छ। दूधमा केरा मिलाएर खाँदा खोकी र एलर्जी हुन्छ।