ताजा
लोकप्रिय
पूर्वी पहाडी जिल्लाका कृषकको महत्वपूर्ण आम्दानी रहेको अलैंची निर्यातले नयाँ रेकर्ड बनाएको छ । चालु आर्थिक वर्षको साउनदेखि जेठसम्म ९३ लाख ८६ हजार २७९ किलो अलैंची अर्थात् ७ अर्ब ७० करोड १९ लाख ३३ हजार रुपैयाँ बराबरको अलैंची निर्यात भएको छ ।
बिज्ञापन
अलौँची नेपालको पूवी पहाडी जिल्लाको सबै भन्दा अमूल्य आम्दानीको स्रोत हो । महासंघका अनुसार हालसम्म ४३ जिल्लामा अलैंची उत्पादन हुँदै आएको छ । मुलुकमा उत्पादन भएको २ प्रतिशत अलैंची मात्रै आन्तरिक खपत हुने व्यवसायीहरु बताउँछन् । नेपाली अलैंचीको मुख्य बजार भारत मात्र रहेपनि पछिल्लो समय जर्मनी, इटाली, युनाइटेड स्टेट्स, पाकिस्तान लगायत मुलुकमा निर्यात हुन थालेको छ ।
बिज्ञापन
यसअघि आर्थिक वर्ष ०७७/०७८ मा ७ अर्ब १ करोड ८ लाख २९ हजार रुपैयाँ बराबरको अलैंची निर्यात भएको थियो । गत आर्थिक वर्ष ४ अर्ब ८१ करोड ३४ लाख ६५ हजार रुपैयाँ बराबरको ५३ लाख ६७ हजार ४४३ किलो अलैंची निर्यात भएको विभाागको तथ्यांक छ । कृषि मन्त्रालयको तथ्यांक ९०७७/०७८० अनुसार देशभर १५ हजार ६६८ हेक्टर जग्गमा अलैंची खेती हुन्छ ।
जसबाट ८ हजार २८९ मेट्रिक टन अलैंची उत्पादन हुन्छ । आर्थिक वर्ष २०७६/०७७ मा १६ हजार ५६२ हेक्टर जमिनबाट ९ हजार ५४५ मेट्रिक टन अलैंची उत्पादन भएको थियो । आर्थिक वर्ष ०७५/०७६ मा १५ हजार ५५ हेक्टर जमिनमा अलैंची खेती हुन्थ्यो । उक्त वर्ष ७ हजार ९५४ टन उत्पादन भएको तथ्यांक छ ।
बिज्ञापन
