जेनजी आन्दोलनमा ज्यान गुमाएका हरेक परिवारका एकजनालाई रोजगारी दिने चौधरी ग्रुपले निर्णय गरेको छ। ग्रुपका व्यवस्थापकीय निर्देशक निर्वाण चौधरीले आन्दोलनका प्रत्येक शहीद परिवारका एक-एक सदस्यलाई रोजगारी दिने घोषणा गरेका हुन् ।

बिज्ञापन

चौधरीले यसका लागि शहीद परिवारहरूसँग सम्पर्कको प्रक्रिया अगाडि बढिरहेको जानकारी दिए। ‘जेन–जी आन्दोलनका प्रत्येक शहीद परिवारका एक सदस्यलाई हामी रोजगारी प्रदान गर्नेछौँ,’ उनले भने, ‘यो केवल हाम्रो वाचा मात्र होइन, गहिरो कर्तव्य र श्रद्धा हो।’

बिज्ञापन

चौधरी ग्रुपले नेपालको पुनर्निर्माण, सहानुभूति र सम्मानका साथ उज्वल भविष्य निर्माण गर्ने उद्देश्यका साथ उक्त निर्णय लिएको जनाएको छ। समूहले शहीद परिवारलाई नजिकबाट सहयोग पुर्‍याउने र रोजगारमार्फत उनीहरूको जीवनमा स्थायित्व ल्याउने लक्ष्य राखेको बताइएको छ।

सम्पर्कका लागि ग्रुपले आफ्ना कर्पोरेट कम्युनिकेसन विभागका प्रमुख मधुसूदन पौड्यालसँग ९८५१२२४००० नम्बरमा सम्पर्क गर्न आग्रह गरेको छ।

बिज्ञापन

उनले लेखेका छन्- Gen Z आन्दोलनका शहिदप्रति चौधरी ग्रुपको तर्फबाट हार्दिक श्रध्दाञ्जलि एवं परिवारजनप्रति गहिरो समवेदनाका साथ उच्च सम्मान ब्यक्त गर्दछौँ।

उक्त आन्दोलनका क्रममा हाम्रो निजी निवास, कार्यालय, शोरूम र कारखानाहरूमा भएको ठूलो क्षति र विध्वंसले हामीलाई गहिरो पीडा दिएको छ। यद्यपि, यो पीडादायी घडीमा पनि हामी दृढ आत्मविश्वासका साथ पुनःनिर्माणको यात्रामा अघि बढेका छौँ। यस कठिन समयमा चौधरी ग्रुप शहिद परिवारप्रति उच्च सम्मान ब्यक्त गर्न निम्न अनुसारको प्रतिबद्धता व्यक्त गर्न चाहन्छ— Gen Z आन्दोलनका प्रत्येक शहीद परिवारका एक सदस्यलाई हामी रोजगारी प्रदान गर्नेछौँ। यो केवल हाम्रो वाचा मात्र होइन, हाम्रो गहिरो कर्तव्य र श्रद्धा हो। हामी सँगै उभिनेछौँ, पुनःनिर्माण गर्नेछौँ, आशा, सहानुभूति र सम्मानसहित यो देशको सून्दर र उज्ज्वल भविष्य निर्माण गर्नेछौँ । हाम्रो टिमले समपुर्ण शहिद परिवारलाई सम्पर्क गर्दैछौं, यद्यपि यसका लागि यहाँहरूले चौधरी ग्रुपका कर्पोरेट कम्युनिकेसन बिभाग प्रमुख मधुसूदन पौड्याललाई मोबाइल नम्बर 9851224000 मा सम्पर्क गर्नुहुन अनुरोध छ ।