नेपाल मर्चेन्ट बैंकर्स संघ (MBAN)  द्वारा आयोजना गरिएको MBAN Cup 2082 अन्तर्गतको फुटसल प्रतियोगितामा नेपाल एसबिआई मर्चेण्ट बैंकिङ लिमिटेडले ऐतिहासिक सफलता हात पारेको छ ।

बिज्ञापन

फाइनल खेलमा प्रभु क्यापिटल लिमिटेडलाई हराउँदै एसबिआई मर्चेण्टले उपाधि मात्र होइन, तीन महत्वपूर्ण विधामा जित हात पार्दै प्रतियोगितालाई सम्झनलायक बनाएको छ । उत्कृष्ट समन्वय, निरन्तर अभ्यास र दृढ मनोबलका साथ मैदानमा उत्रिएको टिमले उपाधि विजेताको साथसाथै उत्कृष्ट गोलकिपर र सर्वाधिक गोलकर्ता उपाधि समेत हात पार्न सफल भयो ।

बिज्ञापन

उपाधि जितसँगै टोलीको गौरव बढाउनुका साथै संस्थाको प्रतिष्ठा अभिवृद्धि भएको एसबिआई मर्चेण्ट बैंकिङ लिमिटेडले जनाएको छ । टिमको यो सफलतामा योगदान गर्ने सम्पूर्ण खेलाडी, प्रशिक्षक, व्यवस्थापक र सहयोगी टिमलाई धन्यवाद दिँदै संस्थाले आगामी दिनहरूमा पनि यस्ता प्रतिस्पर्धामा सक्रिय रहने प्रतिबद्धता व्यक्त गरेको छ ।

बिज्ञापन