ताजा
लोकप्रिय
नेपाल धितोपत्र बोर्डले स्वस्तिक लघुवित्त वित्तीय संस्थालाई साधारण शेयर (आइपिओ) बिक्रीका लागि अनुमति दिएको छ ।
बिज्ञापन
बोर्डले यही असार ५ गते सो संस्थालाई रु दुई करोड ३१ लाख बराबरको दुई लाख ३१ हजार कित्ता साधारण शेयर बिक्रीका लागि अनुमति दिएको हो । माइक्रो फाइनान्स समूहको सो कम्पनीको शेयर बिक्री प्रबन्धकमा नबिल इन्भेस्टमेन्ट बैंकिङ लिमिटेड रहेको छ । बोर्डले चालु आर्थिक वर्षमा हालसम्म कुल १२ कम्पनीलाई साधारण शेयर बिक्रीका लागि अनुमति दिएको छ ।
बिज्ञापन
त्यसमा पाँच वटा जलविद्युत् समूहका कम्पनी छन् भने तीनवटा लघु बिमाका छन् । अन्यतर्फ दुई कम्पनीले अनुमति पाउँदा उत्पादनतर्फको एक र माइक्रो फाइनान्स एक छन् । समग्रमा बोर्डले रु दुई अर्ब ९५ करोड ५६ लाख ८१ हजार नौ सय बराबरको साधारण शेयर बिक्रीको अनुमति दिएको छ ।
त्यसैगरी, साधारण शेयर बिक्रीका लागि अनुमतिको प्रतीक्षामा ४४ कम्पनी छन् । त्यसमा अधिकांश जलविद्युत् कम्पनी छन् । कुल ३५ जलविद्युत् कम्पनी साधारण शेयर बिक्रीका लागि अनुमतिको प्रतीक्षामा छन् ।
बिज्ञापन
