ताजा
लोकप्रिय
वृद्धाभत्ता बुझेर फर्कने बेला भिरबाट लडेर एक वृद्धको मुत्यु भएको छ।
बिज्ञापन
गोरखा जिल्लाको भीमसेन थापा गाउँपालिका–४ काशीखोलाका ७५ वर्षीय चूडामणि काप्रीको भिरबाट लडेर मृत्यु भएको हो। इलाका प्रहरी कार्यालय आरुघाटका प्रहरी निरीक्षक नवीन गिरीले आइतबार घरबाट वृद्धाभत्ता बुझ्न निस्किएका काप्री घर नफिर्कएपछि खोजी गर्दा भिरबाट लडेर मृत्यु भएको अवस्था आज बिहान शव फेला परेको जानकारी दिए।
बिज्ञापन
उनका अनुसार घ्याम्पेसालस्थित बैंकमा वृद्धभत्ता बुझेर फर्किने क्रममा उनको वडा नम्बर–२ स्थित सेतो पहरे भन्ने ठाउँमा भिरबाट खसेर मृत्यु भएको हो।
काप्रीको शव बाटोदेखि झन्डै दुई सय ५० मिटर तल खसेको अवस्था भेटिएको निरीक्षक गिरीले बताए। “वृद्धाभत्ता बुझेर घर नर्फिएपछि प्रहरीको टोली र आफन्तले सोही दिनदेखि खोजी गरेका थियौँ। आज बिहान करिब ७ बजे उहाँको शव फेला परेको हो,” उनले भने।
बिज्ञापन
घटनास्थलमा पुगेर प्रहरीको टोलीले शवको मुचुल्का बनाएर अत्येष्टिका लागि आफन्तलाई बुझाइएको प्रहरीले जनाएको छ।
