ताजा
लोकप्रिय
मध्य भारतको छत्तीसगढ राज्यमा नक्सलवादीद्वारा राखिएको इम्प्रोभाइज्ड एक्सप्लोसिभ डिभाइस (आईईडी) विस्फोट हुदाँ आठ प्रहरी र एक चालकको मृत्यु भएको प्रहरीले जनाएको छ।
बिज्ञापन
छत्तीसगढको राजधानी सहर रायपुरबाट करिब ४४२ किलोमिटर दक्षिणमा रहेको बीजापुर जिल्लाको बेद्रे–कुत्रु रोडमा आक्रमण भएको हो। प्रहरीका अनुसार जिल्ला रिजर्भ गार्डका प्रहरी नक्सल विरोधी अभियानबाट फर्कदै गर्दा उनीहरुमाथि आक्रमण भएको हो।
बिज्ञापन
टेलिभिजन फुटेजले घटनास्थलमा ठूलो क्रेटर र क्षतिग्रस्त गाडीका टुक्राहरू वरिपरि छरिएका देखाएको छ। रायपुरबाट करिब १९२ किलोमिटर दक्षिणमा रहेको नारायणपुर जिल्लाको अबुझमद जङ्गल क्षेत्रमा पाँच नक्सलवादी र एक प्रहरीको भिडन्तमा मृत्यु भएको एक दिनपछि यो आक्रमण भएको हो।
छत्तीसगढका उपमुख्यमन्त्री अरुण साओले प्रहरीको बलिदान खेर नजाने बताउनुभयो। “सुरक्षा बलहरू नक्सलहरूलाई भित्र भित्रैबाट हटाउन काम गरिरहेका छन्। नक्सलहरूले निराशामा यो आक्रमण गरेका छन्। प्रहरीहरूको यो बलिदान व्यर्थ जानेछैन,” साओले मिडियालाई बताउनुभयो।
बिज्ञापन
हाल भारतको मध्य र पूर्वी भागहरूमा नक्सलहरू सक्रिय छन्। नयाँ दिल्लीले आफ्ना अर्धसैनिक बलका धेरै कम्पनीहरूलाई आफ्नो गढमा नक्सलहरूलाई लड्न खटाएको छ। विद्रोहले सयौंको ज्यान लिनुका साथै हजारौं बासिन्दाहरूलाई घरबारविहीन बनाएको बताइएको छ।
