ताजा
लोकप्रिय
संविधान दिवसका अवसरमा सर्वसाधारणका लागि खोलिएको धरहरा सञ्चालनमा आएको दुई महिना पुग्यो । तर, दुई महिनामै धरहराको टुप्पो पुर्याउने लिफ्ट बिग्रिन थालेको छ ।
बिज्ञापन
बिज्ञापन
विनातयारी सरकारको १ सय दिनको काम देखाउने हतारोमा चलाइएको धरहरा लिफ्ट बिग्रेर पछिल्लो दुई दिन बन्द भएको थियो । सहरी विकास मन्त्रालय मातहत सहरी विकास तथा निर्माण विभागका एक अधिकारीका अुनसार धरहरा सञ्चालनकै केही समयमा अनियन्त्रित भीड जाँदा लिफ्टले धान्न नसकेपछि अड्किने गरेको थियो ।
बिज्ञापन
‘धरहरा खुलेपछि ह्वात्तै मान्छे चढ्न थाले, अनियन्त्रित मान्छे चढ्न थालेपछि केही सयम बीच–बीचमा अड्किन थालेको थियो । पछिल्लो दुई दिनदेखि त बन्द नै भयो,’ ती अधिकारीले भने । विभाग प्रमुख मचाकाजी महर्जनले धरहरामा प्राविधिक समस्या आएर एक–दुई दिन बन्द भए पनि आइतबार साँझबाट धरहराको समस्या समाधान भइसकेको बताए ।
‘हिजै लिफ्टको समस्या समाधान भइसकेको छ, आज सार्वजनिक बिदा भयो, भोलिबाट सञ्चालनमा आउँछ होला,’ महर्जनले भने । सहरी विकास मन्त्रालयका प्रवक्ता विनु बज्राचार्य कुँवरले धरहरा प्राविधिक कारण बन्द भए पनि सञ्चालन सुरु भइसकेको बताइन् । ‘बन्द भएको सूचना चाहिँ पाएका छौं तर ठूलो समस्या होइन रहेछ,’ कुँवरले भनिन् ।
