ताजा
लोकप्रिय
अर्थमन्त्री डा. प्रकाशशरण महतले डेडिकेटेड र ट्रंकलाइन विवाद सरकारले चाँडै टुंग्याउने बताउनुभएको छ । काठमाडौंमा आयोजित एक कार्यक्रमलाई सम्बोधन गर्दै उनले उद्योगीहरुको विद्युत लाइन काटेको कुरालाई सकरारले चाँडै टुंगो लगाउने बताएका हुन् ।
बिज्ञापन
उनले विद्युतको लाइन काट्ने कुराले धेरै उद्योग, व्यवसाय प्रभावित भएको गुनासो आइरहेकाले यसको चाँडै समाधान निकाल्ने बताए । उनले डेडिकेटेड र ट्रंकलाइन विवादलाई इज्जतको प्रश्न बनाउनु नहुने बताए । उनले डेडिकेटेड र ट्रंकलाइन विवादको विषय थप अन्योल बनाउनु नहुने बताए ।
बिज्ञापन
उनले भने, ‘विद्युतको लाइन काट्ने कुराले धेरै उद्योग, व्यवसाय प्रभावित भयो, यसको चाँडै टुंगो लाग्नुपर्यो । त्यो सत्य हो, त्यसलाई चाँडै समाधान गर्नुपर्छ । यसलाई इज्जतको प्रश्न बनाउनु हुँदैन । यसलाई यथार्थ, जुन बेला साँच्चिकै लोड सेडिङ थियो, म त्यो बेलामा उर्जामन्त्री थिएँ ।
भर्खर हामीले लगानीको संरचना बनाउँदै थियौँ । त्यो बेला १६/१७ घण्टासम्म लोडसेडिङ थियो । त्यो बेलामा प्रिभिलेज थियो । कन्जुमरलाई पनि काटेर दिने । त्यो एक्ज्याक्ट समय के हो र कसरी उसले डिफाइन गरेको छ । त्यसको यथार्थको आधारमा यसको चाँडै टुंगो लाग्नुपर्छ । यसलाई हामीले अन्योलको विषय बनाएर थप अन्योल सिर्जना गर्नु हुँदैन ।
बिज्ञापन
यस विषयमा निजी क्षेत्रको साथीहरुसँग बसेर यथार्थ के हो? तिर्नुपर्ने कति हो त? निक्र्यौल गरेर यसको टुंगो हामी लगाउँछौँ ।’ अर्थमन्त्री महतले अर्थतन्त्र बिस्तारै चलायमान भइरहेकाले थप सकारात्मक कुराहरुको आवश्यकता रहेको बताए।
